Home Gobierno Minister Otmar Oduber satisfecho cu e maneho nobo di PNA

Minister Otmar Oduber satisfecho cu e maneho nobo di PNA

53
0
SHARE
- Advertisement -

ORANJESTAD (AAN) – Parke Nacional Arikok y su maneho nobo ta otro tema cu Minister di Infrastructura, Medio Ambiente y Desaroyo Teritorial, sr. Otmar Oduber, a toca durante e conferencia di prensa di Gobierno, di Diahuebs.

E mandatario a señala cu PNA tin un board y un directiva cu cual e tin un relaciona hopi strecho, encabeza pa su presidente cu ta sr. Refunjol. E tin hopi contacto cu nan y nan ta atendiendo e diferente inkietudnan cu tabata biba den e Parke.

E bestuur nobo cu a wordo apunta, ta biba cu e mesun pensamento di Gobierno, cu mester yega na intencion cu durante e prome cuartal di otro aña, cambionan cu mester bin pa loke ta trata statuutnan di e Parke, unda ta reverse varios decision cu bestuur anterior a tuma y un di nan ta crea un Raad van Toezicht (Hunta di Supervision), unda no tin metemento mas, manera a tuma lugar prome, continuamente di e bestuur den e ehecucion diario, loke a trece hopi problema den e Parke.

Aworaki tin un Raad van Toezicht cu ta controla y vigila e ehecucion di e plan di maneho traha pa e propio funcionarionan di e Parke y banda di e aspecto financiero, cu ta poniendo hopi atencion na dje, tin e aspecto humano pa e trahadornan cu durante añanan largo no a haya e atencion debido.

E mandatario a agrega cu e forma con a duna subsidio na e instancia aki a perhudica grandemente, no solamente e trahadornan di PNA pero otro stichtingnan.

Aworaki ta cumpliendo cu e protocol debidamente, pa di e forma ey por yega na e punto unda e trahadornan por bay na un referendum pa por scoge un sindicato. Aworaki lo sinta na mesa cu sindicato pa por yega na un CAO, manera cu e acuerdo cu a wordo cera na aña 2000, pa nan tin un siguranza cu e trahadornan no ta depende riba gobierno, e subsidie-regeling, DRH of un minister pa haya sa si nan ta haya algo cu nan tin derecho riba dje, pero aworaki conforme e acuerdo, despues di mas cu 20 aña pasa, ta cumpli cune pa di e forma ey PNA por funciona na un manera mas eficiente y productivo, y cu proximamente ya lo tin encuentro cu organizacionnan internacional pa coopera tambe cu P.N.A.

Finalmente PNA no solamente ta haya Parke Marino bao di nan maneho, pero tambe un bez cu e ley pasa durante e prome cuartal di 2019, lo haya e 16 areanan proteha cu tambe lo bay cay bao e Fundacion Parke Nacional Arikok.

 

- Advertisement -

DUNA COMENTARIO

Please enter your comment!
Please enter your name here