Home Gobierno Minister Plenipotenciario a introduci compania Hulandes na Aruba

Minister Plenipotenciario a introduci compania Hulandes na Aruba

51
0
SHARE
- Advertisement -

DEN HAAG\ORANJESTAD (AAN)  – Den cuadro di su bishita di trabao na Aruba, Minister Plenipotenciario Guillfred Besaril tabata tin un reunion na Santa Rosa cu director Nathalie Maduro y su ehecutivonan. Tambe tabata presente Roy Hart funcionario di Cas di Aruba na Hulanda y Sharon Erasmus director di ARINA.

E reunion aki tabata pa Herrie Rost van Tonningen CEO di e compania Fresh Water Mill – riba peticion di Minister Besaril – bin Aruba pa tene un presentacion riba un sistema nobo di molina di biento cu por procesa awa di laman pa awa potable cu por produci awa pa e sector primario hopi mas barata. Hennie Rost a duna un presentacion di su compania y despues a elabora riba e posibilidadnan pa Aruba lo por bai realisa esaki den na un mihor manera.

Sra. Maduro a enfatisa cu e  tecnologia innovativo aki ta super moderno y por contribui pa un sosten duradero pa loke ta uso di awa pa agricultura. Special mirando cu awa ta caro na Aruba pa desaroya sector primario y esaki por ta un solucion pa baha gasto di awa pa e cunukeronan.

Minister Besaril a keda satisfecho di con e manera positivo cu e reunion aki a tuma lugar y a bisa cu ta bon pa bin un proyecto piloto pa mira con e sistema aki en berdad por traha na Aruba.

Potret Cortesia di Cas di Aruba

- Advertisement -

DUNA COMENTARIO

Please enter your comment!
Please enter your name here