- Advertisement -
ORANJESTAD (AAN)- Lectornan a yama DIARIO pa un situacion preocupante na Centro di Bario Dakota.
Segun e lectornan, cu tin mucha ta train na Centro di Bario Dakota pero e lugar no ta apropia pa nan train, ya cu por mira con e murayanan ta casi cay y heronan ta sali afor.
E lectornan ta preocupa cu muchanan por core y bay dal den e heronan aki cu ta sumamente peligroso y nan por herida nan mes formalmente. Segun un di e lectornan nan a yama instancia concerni caba, pa bay wak e situacion aki, pero nada a wordo haci te cu awor.
E ta spera cu awor cu e noticia a wordo publica, cu e por haya atencion di inmediato, pa asina e muchanan por hunga trankilamente na e sitio aki.
- Advertisement -
