Home Salud Na 2018 masha poco caso a presenta di malesanan transmiti pa sangura

Na 2018 masha poco caso a presenta di malesanan transmiti pa sangura

72
0
SHARE
- Advertisement -

Dr. Wilmer Salazar: Situacion ta bao control

ORANJESTAD (AAN):  E siman aki, Departamento di Salud kier pone enfasis riba e tema di seguridad pa comunidad den cuadro di e temporada di awacero cu Aruba ta pasando aden.

Vocero di Directie Volkshezondgeid (DVG), Jurette Croes a expresa cu un suplica ta bay na comunidad pa yuda reduci e criaderonan como e menaza y e complicacionnan cu por trece door di esaki.

Pa elabora mas riba esaki a invita Dr. Wilmer Salazar, Microbiologo di DVG, kende a papia riba e situacion actual di e malezanan transmiti pa e sanguranan na Aruba, como tambe a invita Luis Chong, director interino di Gele Koorts Muskieten Bestrijding (GKMB) pa informa riba kico GKMB ta haciendo y kico comunidad tin cu haci pa preveni malesanan.

Na prome lugar, Dr. Salazar a indica cu pa loke ta e situacion di dengue, zika y chikungunya cu despues cu tabata tin henter e problematica rond mundo relaciona cu Zika y cu na Aruba tambe tabata tin su impacto, e aña aki tur esfuerzo cu e departamento di salud a haci tabata fructifero.

Masha poco caso a presenta y te aworaki tur cos ta bao control relaciona cu casonan di malesanan transmiti pa sangura. Esey mester mantene pa hopi aña mas, e experto a remarca.

Pesey ta importante durante e temporada di yobida comunidad ta consciente e importancia di no tin criaderonan na cas pa evita broeimento di sanguranan aedes aegypti y crea un epidemia di Zika, Dengue of Chikungunya.

Durante hopi tempo, na Aruba a haya diferente infeccion di dengue pa varios serotipo: dengue 1, dengue 2, dengue 3 y dengue 4. Un di dos infeccion ta relaciona cu complicacionnan manera dengue hemoragico y dengue shock, a bisa.

Na Aruba tabatin persona cu a fayece pa motivo cu el a haya un di dos infeccion y a haya complicacionnan severo cu a causa su morto.

E aña aki, Aruba ta bao di e nivel cu Organizacion Mundial di Salud y Panamericano di Salud ta bisa pa casonan di nalesanan transmiti door di vectornan, compara cu otro islanan. Segun Doctor Salazar, Aruba ta un di e prome islanan cu a wanta duro riba esaki y mester mantene.

Temporada di yobida a trece cantidad di criaderonan na cas y cu mester elimina. Aworaki DVG conhuntamente cu Ministerio di Salud Publico y otro institucionnan di gobierno manera DOW, Serlimar cu prome cu e temporada di yobida tabata boga pa no laga awa keda para pa evita criadero. E resultado di esaki a bay hopi bon na 2018, Dr. Salazar a indica.

Awor ta keda na comunidad y comercio pa mantene e areanan liber di criaderonan di sangura, a remarca.

 

 

 

- Advertisement -

DUNA COMENTARIO

Please enter your comment!
Please enter your name here