Home Comentario Nan ta cumpra regalo na Pricesmart pero ta core rond buscando cual...

Nan ta cumpra regalo na Pricesmart pero ta core rond buscando cual otro negoshi por yuda lora regalo

283
0
SHARE
- Advertisement -

Opinion Publico

ORANJESTAD (AAN): E siman aki, DIARIO a ricibi reaccion di algun trahador cu ta labora na companianan na Playa, cu inespera ta haya un influx di cliente cu ta drenta cu djis un solo meta.

Nan ta drenta buscando forma pa haya caha y pa empleadonan por lora papel di regalo pa nan.

Pero e regalo?  Nan a caba di cumpre na Pricesmart den Avenida Milio Croes!  Y awor?  Nan kier pasa na otro negoshi pa pidi e empleadonan yuda nan pa lora papel di regalo rond di e mercancia cumpra na Pricesmart.

Con esaki por ta posible?  Esey nifica cu Pricesmart no ta atende publico corectamente?  Nan no ta ni ofrece caha of papel di regalo pa pone producto cu nan a caba di cumpra aden?

Anto nan ta forza clientenan di Pricesmart pa nan acudi na otro negoshi buscando Papel di Regalo gratis?

Esaki ta djis un di e tantisimo reclamo cu a tende recien di e compania Pricesmart.  Algun dia pasa tambe tabatin reclamo riba e forma cu nan ta exigi na forma hopi proactivo, pa miembronan mustra nan carchi prome cu nan por drenta.  Miembronan a expresa na un forma mahos riba social media, y ta un indicacion claramente cu pueblo no gusta e estilo aki di atende cu publico.  Nan ta haci esaki supuestamente pa evita cu hende no-miembro ta drenta y horta tas di miembronan cu ta shopping. Un storia hopi fofo mes.

A ser mustra, cu e compania Pricesmart no ta ni usa medionan di comunicacion na Aruba pa pone propaganda.  Casi bo ta tende nada di nan envolvimento social y activo na Aruba.  Anto nan ta ganando un dineral, sin cu sikiera yuda Arubianonan cu papel pa lora regalo.

- Advertisement -

DUNA COMENTARIO

Please enter your comment!
Please enter your name here