Home Policial Negoshi grandi di droga a keda desmantela na Paradera

Negoshi grandi di droga a keda desmantela na Paradera

1194
0
SHARE
- Advertisement -

Cu Chines na cabez:

ORANJESTAD   (AAN): Informe cu DIARIO a haya den fin di siman ta indica cu Diadomingo mainta polisnan a haci un entrada riba un adres na Paradera/Shiribana. Esaki ta net poco p’abao di e rotonde di Paradera.

Ta asina cu a drenta despues di a haya informacion cu tin droga den e localidad aki. Na momento cu nan a drenta, a topa cu un plantacion masha grandi mes y hopi profesional bao di dak, algo cu di pafo bo no ta mira.

Un plantacion di marihuana masha grandi mes y mesora a bay over tambe na detencion. A detene e Chines cu ta encarga cu e localidad aki. Si ta bon, e mester a bira un restaurant/take away Zhu Him Chines, pero nunca a haya un vergunning aparentemente y nunca no a habri pa largo tempo.

Polisnan cu a drenta, a haya hopi marihuana nechi pa benta. Marihuana hopi bon trata, bao di dak cu cosnan special y tambe a haya basta atributo, balansa y un cantidad di cos. Ta nifica cu ta un negoshi masha pisa mes di droga tin na e adres aki na Paradera/Shiribana.

Autoridad a haci dos detencion. Un di nan ta e Chines mes cu ta den e cas y a haci detencion tambe di un persona cu ta chapi den cura, un Arubiano, cu no tin nada di haber cu e caso, pero a bay cun’e, mirando cu na e momento cu nan a drenta, nan a hay’e ta chapi. Pero e no tin nada di haber cu e caso, pasobra bisiñanan mes ta bisa cu e ta un hende cu ta chapi pa nan tambe.

Bisiñanan ta bisa cu ta masha hopi negoshi di droga tin eynan. Constant hende ta bin cumpra droga, pasa na banda na e adres aki.

Polis a desmantela henter un plantacion y negoshi di droga na Paradera/Shiribana.

Departamento di droga a wordo avisa. A presenta tambe pa cuminsa cu un investigacion na e adres. Polis di Noord, Santa Cruz, tur tabata envolvi den e caso di investigacion na e adres unda a haya e droga. Departamento di droga a presenta y tuma henter e caso over. E cos a cuminsa lora ora cu Polisnan a haya holor di marihuana durante nan patruya.

Asina a bay den accion mesora. E Chines mes ta core un Lexus y el a keda confisca pendiente investigacion. Tur cos haya cu tin di haber cu droga a keda confisca.

 

 

- Advertisement -

DUNA COMENTARIO

Please enter your comment!
Please enter your name here