Home Gobierno OM no ta tuma orden di ningun minister pa persigui ningun hende

OM no ta tuma orden di ningun minister pa persigui ningun hende

322
0
SHARE
- Advertisement -

PG a enfatiza cu y su empleadonan no  a y no ta participa na persecusion politico

ORANJESTAD  (AAN):  Diaranzon mainta a tuma lugar un conferencia di prensa na Ministerio Publico, unda cu Procurador General (PG) Alexander van Dam a duna un declaracion y a tuma algun pregunta.

E declaracion di van Dam tabata relaciona cu e caso di detencion di algun periodista, relaciona cu uso ilegal di e Tetra-radio di polis.

“Si boso wak mi den un conferencia di prensa, e ora tin di haber cu casonan penal individual, pero awe mi no ta bay papia di un caso penal, pero mi ta dirigi mi mes na boso for di e 3 rolnan cu mi tin”.

“Mi ta PG, mi ta hefe di Ministerio Publico di Aruba y mi ta e aurotidad riba Landsrecherche”.

Asina van Dam a cuminza e conferencia di prensa.

El a sigui bisa cu na 2016 dilanti Gobernador di Aruba  y cu el a hura di ta fiel na e Rey y cu den su trabao e lo ta obediente na e reglanan di ley.

“For di e huramento aki ta Sali afo cu ami como PG mester cumpli cu ley”.

“Esaki ta nifica tambe cu mi no por laga ningun hende influenciami den mi trabao”.

“No tin ningun Minister di Husticia cu ta bisami kico mi tin cu hasi of kico mi no tin cu hasi”.

Porsupuesto nos ta responsabiliza nos mes cerca e huez cu ta evalua nos trabao”.

Esaki segun e PG, kende a asegura prensa cu e trabao di Ministerio Publico ta uno independiente y cu no tin envolvimento politico den esaki, ni cerca dje, ni su fiscalnan.

“Mi ta enfatiza cu OM como instituto independiente y un di e pilarnan di nos estado di derecho, no ta aga su mes wordo instrui”.

OM no ta conduci politica y nunca lo cuminza un persecusion penal pa motibonan politico”, segun van Dam.

“E conferencia di prensa aki mi ta uza tambe pa bisa boso algo di e alrededor di 60 empleadonan di Ministerio Publico”.

“E touch nan profundamente cu OM ta wordo acusa di comete persecusion politico”.

“E empleadonan aki, e fiscalnan, trahadornsan huridico y personal di administracion, tur dia ta traha duro den mantencion di orden penal na Aruba y nan ta hasi esaki den bon consenshi”.

“Mi ta para akinan tambe como e autoridad riba Landsrecherche, cu tambe ta traha tur dia duro riba mantencion di derechonan penal y orden hudicial”.

E servicio aki di husticia, cu ta consisti por completo di yiunan di tera, tambe ta hasi esaki den bon consenshi”.

“Mi tin hopi respet pa e servicio aki, pasobra hoipi di e agentenan aki di recherche ta wordo tuma na malo, ora cu nan ta trahando den investigacionnan riba integridad y corupcion, door di cual hopi biaha bo no ta haya mucho amigo”.

Esaki segun e PG, kende a indica cu e miembronan di Landsrecherche ta kere den algo, esta un estado di derecho liber di corupcion y violacionnan di integridad.

“Pues na prome lugar mi ta tuma parti pa mi empleadonan y pa mi miembronan di Landsrecherche”, van Dam a finaliza.

Ora cu prensa a hasi e PG algun pregunta rond di e caso di detencion di e periodistanan, el a indica cu e no por duna detayenan di e caso y cu pa esaki mester acudi cerca Fiscal Mayor.

- Advertisement -

DUNA COMENTARIO

Please enter your comment!
Please enter your name here