Home Parlamento Parlamentario Endy Croes ta cuestiona Mike Eman fuertemente

Parlamentario Endy Croes ta cuestiona Mike Eman fuertemente

140
0
SHARE
- Advertisement -

ORANJESTAD (AAN) – Parlamentario sr. Endy Croes, den conferencia di prensa di fraccion di MEP, Diaranzon mainta, a cuestiona e hecho cu ex-Minister Mike Eman a sali grita cu no tin husticia mas, na Aruba.

Parlamentario Croes a señala cu e ex-mandatario a subi caya bay dilanti Warda di Polis na Noord, cu un grupito di no mas cu 50 hende, entre nan algun ex-coordinador y ex-candidato. El a anota literalmente locual ex premier a bisa: “Hey, kico bosonan kier, bay cas cu Speed?” refiriendo na e miembro di prensa cu a cay cera. “Y el a puntra tambe na e comandante e ora ey, si nos por bay cas cu Speed e ta hopi bon”.

Parlamentario Endy Croes a señala cu depende di ken a wordo detene, pasobra tempo cu nan a cera Paul Croes, e no ta corda cu ex-prome minister a bisa cu e kier bay cas cu e ex-minister aki.

Segun e parlamentario aki por wak un wega politico, expresando tambe cu e tin hopi respet pa prensa y cada un di su miembronan pero tur hende sa cu Ministerio Publico ta independiente y e tin su trabao pa haci.

E ta cuestiona cu un ex-prome minister di nos pais, ta permiti su mes pa haci wega politica barata di e manera aki.

Croes a acentua tambe cu ex-premier Eman a pronuncia cu dia 22 di September MEP a haya un mandato grandi pa ta protector di e pueblo aki. “Su palabranan, anto mi ta puntra mi mes abo a haya 7 mil y pico voto, bo a scoge pa no drenta Parlamento, unda realmente bo ta un representante di pueblo, anto rato rato bo kier bin dilanti manera bo a resucita y rato rato bo kier purba di gana simpatia caminda bo a cobardia y core pa responsabilidad, y awor depende ken a detene y ki ora bo kier bin dilanti y purba di lanta hende”.

E parlamentario a referi na otro politico cu tambe a cana den e marcha manera desorienta, y e ta puntra su mes kico ta e strategia di Mike Eman, ora e ta yama tambe Ministerio Publico, PC, Landsrecherche y Polis y ta grita cu tur ta tambaleando.

Segun Endy Croes sr. Eman ta actua segun ta cumbini e, y e ta corda tempo cu tabata tin manifestacion dia 1 di October 2014, tempo cu prijs di awa y coriente a subi, cu hasta a manda comando di polis pa ataca e pueblo, ora cu esaki a sali busca su derecho. E parlamentario a subraya cu MEP ta corda e historia cu tin tras di esaki.

Ademas el a expresa cu el a mira Patrick Paskel ta cana na man drechi di Mike, y e ora ey MEP a bay coba den su documentonan pa descifra pakico. Ey a mira contratonan di Tera Group cu segun e parlamentario ta iregular y cu kehonan lo wordo duna pa haci un investigacion riba dje.

“Ora nos ta mira Patrick ta cana man drechi di Mike Eman ‘por algo sera!’ Y ora nos mira locual cu el a cobra, y nos ta ripiti esaki, bo ta mira sumanan manera 39.978 florin, un otro suma di 125 mil florin, otro suma gigantesco 10.886 y esey ta pa campaña di apertura di Citgo”, e parlamentario a declara.

El a sigui menciona un suma mas di 62.100 florin pa relacionnan publico pa DESPA. Esaki entre otro sumanan cu el a menciona cu tur luna nan a cobra, segun e Parlamentario.

Parlamentario Croes a reitera cu por compronde pakico Paskel ta cana na man drechi di Mike, pasobra e sumanan aki e no tin mas y Mike tin cu bin bek pa sigui yoyo e cartera di pueblo.

 

- Advertisement -

DUNA COMENTARIO

Please enter your comment!
Please enter your name here