Home Gobierno Personanan total y parcialmente incapacita por haya bijstand

Personanan total y parcialmente incapacita por haya bijstand

343
0
SHARE
- Advertisement -

DAS y Labor a firma un convenio:

ORANJESTAD (AAN) –E Minister a wordo informa cu a firma un convenio entre DAS y LABOR, unda esnan cu ta incapacita permanentemente ta haya un tipo di bijstand pasobra e no por traha mas.

“Pero semper tabata tin e discusion cu un persona cu no ta completamente incapacita, permanente si, pero no totalmente, por ehemplo cu e por cana pero no por move su braza bon e ta wordo bisa cu e mester busca un trabao. Cu e mester por traha. Diaranzon a yega na un convenio cu ta di tal magnitud cu parcialmente incapacita tambe por bin na remarca pa un bijstand. “E ta costa placa pero e ta loke nos tin cu haci. E ta lo humano pa haci” e dignatario a subraya.

Vivienda pa 20-22 hoben special:

Tambe nan a recorda e mandatario tocante e convenio cu a wordo firma entre ministernan Glenbert Croes y Dangui Oduber, cu na Januari lo habri un facilidad den e cas di cuido di nos grandinan na San Nicolas, unda por duna vivienda na entre 20 pa 22 hoben special cu mester di cuido mas intensivo.

“Nan ta pasonan chikito talvez, pero cu e pasonan aki nos ta logra”, Minister Presidente a señala.

 

 

 

- Advertisement -

DUNA COMENTARIO

Please enter your comment!
Please enter your name here