Home Gobierno Piscadornan completamente envolvi den e proceso di Ley di Parke Marino

Piscadornan completamente envolvi den e proceso di Ley di Parke Marino

49
0
SHARE
- Advertisement -

ORANJESTAD (AAN) – Minister Otmar Oduber, den conferencia di prensa Diahuebs mainta, a elabora tambe tocante e Ley di Parke Marino, den cual e piscadornan ta hunga un papel importante pa edifica y defini e Ley aki.

E mandatario a referi na e preocupacion cu tabata tin den e mundo di piscadornan, e tabata tin diferente encuentro y reunion unda diferente punto a bin dilanti, y a scucha nan,

Durante e siete reunionnan cu a tuma lugar, e dignatario a agrega, mas of menos 100 pa 150 piscador a wordo scucha y a sinti cu tin varios preocupacion, hasta pafo di e pensamento di un parke marino cu a bin dilanti, muy particularmente pa loke ta trata e uso di reda.

Esaki tabata un preocupacion di por lo menos 85 pa 90% di e piscadornan, y den e reunionnan aki tabata tin presencia di representante di e ministerio mes cu ta traha cu pesca, y a nota esaki.

A permiti e piscadornan duna nan opinion y entrega formularionan pa nan pone nan preocupacionnan, duna alternativa y yuda den e proceso aki, di kico nan kier proteha, kico kier evita, kico stop, pa forma e maneho definitivo di Parke Marino.

E mandatario a señala cu Parke Marino tin dos banda cu ta wordo encamina. Un ta e freendword legal cu a bay Raad van Advies y cu gobierno a ricibi e consehonan caba riba dje, pa motibo cu no ta trata di un landsverordening nobo sino di un landsbesluit cu tin cu sali, y di otro banda e beheersplan, of plan di maneho cu ta e curazon di e ley y loke mas ta capta e atencion di e usuarionan cu ta bay haci uso di e partinan cu ta bay bira e Parke Marino, kico por, kico no por, den ki temporada si of no.

Esaki ta loke lo wordo palabra e siman aki, unda cada un di e piscadornan lo sinta cu e representante pa inventariza tur e formularionan cu nan a yena, anto e propio piscadornan lo sinta hunto cu e divers di Aruba, y tur esnan envolvi den diving y otro siman lo sinta cu tur instancia cu ta haci uso di nos awanan teritorial, cu ta inclui NGO’s na diferente nivel, y hendenan cu ta atende cu reproduccion y proteccion di nos parhanan y esnan cu tin di haber cu tortuga pa asina fiha e plan di maneho cu ta un parti integral di e ley. E dignatario lo haci anuncio di dje prome cu fin di aña manera a compromete, pa cu creacion di e Parke Marino, cual ta bay resorta bao di e Fundacion Parke Nacional Arikok.

- Advertisement -

DUNA COMENTARIO

Please enter your comment!
Please enter your name here