Home Policial Polisnan mal contento durante reunion urgente di SPA

Polisnan mal contento durante reunion urgente di SPA

297
0
SHARE
- Advertisement -

ORANJESTAD  (AAN): POVA tabata yena cu polis. Esaki ta debi cu tabata tin un reunion importante cu Sindicato di polis SPA, a convoca den caracter di urgencia.

Joselito Dirksz, hunto cu directiva di SPA ta conta riba e motibonan pakico a yama e reunion extraordinario aki.

E reunion aki tabata den cuadro cu e ultimo desaroyonan cu tin den Cuerpo Policial.

Tin miembronan basta rabia. E dos puntonan di agenda tabata e desaroyo den Cuerpo Policial y e otro ta e protocol entre sindicato y minister di Husticia.

Miembronan no ta desea pa divulga mucho di loke a palabra durante e reunion, debi na privacidad. Si dos mocion a wordo entrega cu SPA no lo bay den detaye.

E directiva ta contento mirando e cantidad di coleganan cu a bin. Un ta sostene otro y ta sinti cu esaki lo bay bira mas grandi.

E biaha aki si por bisa cu ta sinti e union bek den Cuerpo Policial, cual tanto a anhela. Na final di dia ta un solo cuerpo di polis nan ta y tin cu bay como un solo frontline dilanti.

Mal contento

Tin un mal contento hopi grandi segun Dirksz. P’esey mes e coleganan a presenta, pa asina expresa nan frustracionnan.

Cierto cosnan por wordo regla, si e protocol cu tin entre sindicato y minister di husticia wordo firma. Esey ta bezig ta batayando cun’e.

Protocol

E protocol aki ta uno cu tin basta tempo cun’e caba. Practicamente ta den e fase final di dje.

Mas cos ta biniendo acerca

Actualmente tin mas cos a bin acerca. Segun Dirksz, tin diferente paso cu ta andando. Sindicato, ningun hende, no por influencia un investigacion penal. Si por keda monitor loke ta pasando y esey ta loke e sindicato ta haciendo.

Cierto disgustonan a bin dilanti y a atende riba nan y sigur, lo bay canalisa esaki cu Alto Comisario di Polis y cu minister di husticia.

Un cos si, prensa ta keda insisti cu a perde droga den departamento. Dirksz a splica cu no tin ningun perdemento di droga. Unico cos cu a perde ta tres hende cu hopi experiencia cu no ta na trabao awor aki, pa sigui combati criminalidad.

Awor aki a menciona cu RST lo a tap nan y den cierto cosnan cu aparentemente Ministerio Publico tabata na altura di dje. Dirksz a splica cu e parti eynan, cual a palabra den e reunion, e preguntanan ey mester haci na minister di husticia. Dirksz a menciona cu ta delicado pa bay reacciona riba esey y ta enfatisa cu minister di husticia mester contesta e preguntanan ey.

Cu cuerpo henter ta decepciona, ta comprendibel, pero no por bay influencia den e investigacionnan.

Sindicato vigilante

Sindicato SPA ta sigui tur desaroyo andando.

Deadline pa protocol

Awor aki ta bezig cu algun cos y lo bay indica esaki den prensa, pa loke ta e finalisacion di protocol.

Minister

Minister no ta na Aruba actualmente. Dirksz y SPA lo bay sinta cu e minister durante di e siman aki. En principio, riba e protocol a keda di sinta caba e siman aki. Pero mirando e desaroyonan di e ultimo simannan aki, esaki ta bin acerca.

Como sindicato di polis, nan ta sinti cu nan tin e poder total awor aki. Pero esey no ta descarta kico lo bay pasa den futuro. Ta pa e motibo aki mes ta wak kico ta e reaccion di minister riba esaki.

Pueblo por ta trankil

No a papia di accion y pueblo por ta trankil. Te ainda e sindicato di polis ta purba di sinta na mesa. E standpunt awor aki ta esey, Dirksz a splica.

- Advertisement -

DUNA COMENTARIO

Please enter your comment!
Please enter your name here