Home General Posicion internacional Venezolano mas preocupante

Posicion internacional Venezolano mas preocupante

205
0
SHARE
- Advertisement -

Sputnik ta cuestiona kico Rusia y China lo haci

  • Resultado eleccion Merca ta sostene accion Mericano
  • Europa cu mas medida contra crisis humanitario

ORANJESTAD  (AAN) — Un situacion internacional alarmante ta sigui desaroya na Venezuela. E resultadonan di e ultimo eleccionnan na Merca a sostene e maneho di Presidente Donald Trump na e momento cu Gran Britania a informa Gobierno di e pais cu e lo no entrega e cargamento di oro manera Presidente Nicolas Maduro a pidi. Kico e reaccion di Rusia, cu ta asisti Venezuela den su maneho economico lo ta den e actual situacion, ta pregunta di e region na cual Aruba tambe ta pertenece. Aruba cu interes Venezolano riba su suela mester sigui e ultimo desaroyonan.

Durante algun siman, tabata parce cu mundo lo laga Presidente Venezolano Nicolas Maduro trankil mientras e tabata ocupa su mes cu “economia” manera el a anuncia den un cadena nacional na e pais siman pasa.

El a mustra cu awor oro ta bay ta e producto cu lo sostene e economia Venezolano den mes rosea cu el a menciona su aliadonan Turkia, China y sigur Rusia cu ta su consehero financiero y economico activo.

Informacionnan cu a alcansa DIARIO ta mustra riba e forma cu actualmente e cadena Venezuela, China, Rusia, Cuba ta funciona. Rusia a perde su forsa na Brazil caminda un regimen derechista a reemplasa iskierdistanan.

Riba plataforma internacional, importante ta keda e crisis humanitario grandi cu ta resultado di e maneho dictatorial di e actual presidente.

Siman pasa Merca a anuncia cu e lo bay aumenta su medidanan contra Venezuela.  Merca tabata prepara na e momento pa eleccionnan cu tabata considera como un test di e forsa gubernamental di Presidente Donald Trump, pa Venezuela e respaldo cu e Presidente Mericano lo a ricibi a bira sumamente importante.

E resultadonan di eleccion a mustra cu pueblo Mericano no a rechasa e maneho di Presidente Donald Trump manera a ser spera. Esaki ta encera, cu e actuacion Mericano enfrente e regimen Venezolano lo sigui y cu mas medida por ser spera.

Europa mientrastanto tambe a extende su medidanan contra Venezuela te November 2019. Union Europeo a impone un embargo pa entrega di arma na Venezuela for di november 2017. Na 2018 un cantidad di oficialnan gubernamental Venezolano a ser añadi na e lista di personanan cu ta forma parti di e medidanan cu Union Europeo a tuma.

Mientras e produccion di petroleo di Venezuela a sigui cay den e ultimo simannan, e medidanan di Europa a bira bisto ora Presidente Nicolas Maduro a pidi Banco di Inglatera pa debolbe un lote di oro, balora na 550 Miyon Dollar cu Venezuela tin como reserva na e banco.

E publicacion Sputnik a trece dilanti ayera, cu e banco Ingles a nenga di manda e oro Venezuela a menos cu e ricibi informacion kico Venezuela ta bay haci cu e oro of e placa cu e oro por produci.

Riba e mes pagina, Sputnik ta produci un imagen di e lidernan di China y Rusia y ta puntra kico e dos paisnan por haci pa confronta e medidanan.

Informantenan ta mustra DIARIO cu Aruba mester analisa e situacion cu ta empeora dilanti su costa. No solamente Aruba y Venezuela ta den vecindario directo di otro pero mester tene cuenta cu e interes di Venezuela den CITGO, cu den e situacion mundial nobo ta di interes grandi.

DIARIO ta sigui tur informacion den un situacion mundial sumamente interesante y hopi importante na Aruba cu ta depende di interes exterior pa su economia.

- Advertisement -

DUNA COMENTARIO

Please enter your comment!
Please enter your name here