Home Parlamento PPA ta cuestiona cu Aruba kier core bin cu 5G siendo tin...

PPA ta cuestiona cu Aruba kier core bin cu 5G siendo tin indicacion cu e por ta peligroso

166
0
SHARE
- Advertisement -

ORANJESTAD (AAN): Algun dia pasa  Aruba a haya e noticia di nos compania nacional di Telecomunicacion Setar NV cu  for di ‘januari 2018’  nan a tuma e decision di cumpra y instala e tecnologia nobo di  e generacion di 5G.

E compania local di comunicacion a informa pueblo cu ya caba nan ta instalando equipo preparando pa e 5G cual lo ta encera cu na 2019 Aruba lo sera conoci  cu speednan cu lo ta 10 biaha mas lihe cu awor y cu hunto cu esaki SETAR NV lo  bay introduci algun servicio nobo.

Segun Benny Nisbet di PPA, a straña nan na prome lugar cu e noticia aki  a bini di parti di gerencia di Setar NV sin envolvimento di  e Ministro encarga cu Telecomunicacion cu lo ta Ministro Chris Romero?

PPA ta ‘pro progreso riba tereno di telecomunicacion di Aruba na un forma serio y responsabel na tur momento.

E revelacion di Setar NV a lanta poco preocupacion cerca PPA y na mes momento ta lanta cierto pregunta serio cu lo ta bon pa Minister Romero  aclarea e asunto aki  pa nos comunidad.

Unda e ‘roll out’  di e sistema 5G technology den mundo ta para  na e momento aki?  Cuanto pais realmente ta haci uso di un sistema 5G completo y standariza?

(*) Apenas e aña aki  na juni 2018 instancianan Internacional a yega na algun acuerdo pa standariza  5G tehnology.  Esaki ta trece cunele cu ta awor numa compania Internacional ta ehecutando e palabracionnan realisa cu e ‘standarisacion’ di e asina yama 5G technology!

(*) Te cu 2017 solamente paisnan manera  South Korea, China y  USA tabata haciendo esfuerzo pa instala 5G pero mas tanto como  prueba den cierto parti di ciudadnan.

(*) Na Juli 2017 e compania  ‘Italia Mobile’ a sera un acuerdo cu e ciudad chikito di San Marino cu ta un ‘micro’state’ di apenas 33.000 ciudadano  y na 2018 esaki ta den ehecucion  y PPA kier cita;  ‘Telecom  Italia Mobile has signed a memorandum of Understanding with the government of the tiny country to upgrade the existing 4G  network in advance of a trial of 5G services in 2018.

(*) Aparentemente tin hopi pregunta crucial rond di 5G ainda y PPA  kier cita e siguiente frase: ‘Some countries have committed to the first 5G launches in 2019 but the WIDER telecom’s industry is still struggling to define exactly what 5G technology is and some have argued that it is not yet clear how they can justify spending billions on the new network.’

    CIENTIFICONAN PREOCUPA:

Preocupacion grandi di 230 cientifico riba posibel efecto cu 5G lo por tin riba  ‘salud publico’ rond mundo?

Haciendo ‘huiswerk’ riba e tereno aki PPA a tuma nota cu mas cu 200 cientifico di 40 pais  a manda un carta pa Nacionnan Uni na 2017 den cual nan a  pidi ONU pa un ‘moratorium’ riba e introduccion di  e 5G technology  den mundo como cu nan lo ta preocupa cu no a worde haci suficiente analisis y estudio pa mira e effectonan di e e 5G technology  riba e curpa humano.
Lamentablemente  nan NO a hana contesta official mientras  paisnan grandi y companianan grandi ta sigui  den nan procedura pa ‘roll out’  e tecnologia aki mayoria cu  2020 como meta.

Teniendo esaki na cuenta PPA tin e siguiente pregunta pa nos gobierno di Aruba:

  1. Gobierno di Aruba/Ministro di Comunicacion Romero  tabata envolvi den e proceso cu a guia na e decision official  di Setar NV na Januari 2018  pa laga instala of upgrade nos 4G pa 5G ?  Si of no y con e envolvimento aki tabata?
  2. E ehecucion di 5G na Aruba ta un  compra di  e sistema  5G  of Aruba ta un ‘testbed’ y  pa/for di cual Compania Internacional  y cuanto fondo publico di SETAR NV ta envolvi  den e proyecto aki?
  3. Ta trata di compra di un 5G completo y standariza? Y con pueblo mester mira esaki den contexto di e hecho cu mundialmente  mayoria di e paisnan grandi ta papia di nan posibel ‘roll out’ y uso di 5 G na sea final di 2019 of 2020?  Con bin Aruba como isla chikito  ta kana dilanti  di e paisnan grandi  riba e sistema 5G cu internacionalmente NO ta completo ainda?
  4. Of ta trata di  e hecho cu Aruba ta worde usa como un ‘testbed/ testing ground’ pa un compania Internacional pa e sistema 5G ? Y si ta sina kico ta e beneficionan cu Aruba a logra den e contract cu a worde sera cu e compania aki ?  p.e. Si den futuro resulta a base di e uso di 5G technology den otro pais cu tin cambio cu lo mester worde haci den e sistema operacional/technico di Aruba esaki lo sosode riba cuenta di e compania cu ta usa Aruba como ‘testing-ground’ of ta Aruba/Setar NV lo mester carga esaki?
  5. Cuanto mast di e sistema 4G ta worde usa actualmente na Aruba y cuanto  mast lo mester worde instala pa e sistema di 5G  awo?? Hustamente e  uso di 4 pa 5 vez mas mast ta causa e discussion den otro pais  cu esaki ta affecta e  salud publico!
  6. E preocupacion grandi di mas cu 200 cientifico di mas cu 40 pais cu a conduci na nan carta dirigi na Nacionnan Uni pa NO ehecuta 5G technology ainda ta un hecho conoci cu esnan cu ta sigui e desaroyo aki!  Na Aruba a tuma conseho di  autoridad/Ministro di Salubridad Publico  Dangui Oduber su departamentonan prome  cu a dicidi di introduci e 5G technology aki?

5G LO MATA  PARHA, BESTIA Y MATA:

Cientificonan ta pronostica cu 5G  technology lo mata of core cu mayoria  parha y bestia riba e planeta y afecta hopi mata.

PPA kier sa si berdad ta responsabel  pa Aruba introduci un 5G technology siendo e NO a worde ‘getest’ suficientemente y e resultado ta keda un pronostico negativo pa hopi cientifico na mundo?

PPA kier haci un suplica na Gobierno y demas instancianan pa dedica atencion   serio na e topico aki.  Progreso di Telecomunicacion ta importante, pero tin di bay na un forma responsabel  y cu e  claridad necesario pa pueblo.

Si Aruba ta un ‘testbed’ pa 5G technology  lo mester splica pueblo kico ta e  beneficionan pa Aruba cu a logra stipula den e  contract?   Ki conseho  a pidi  aki  na Aruba o sea den exterior pa garantisa  cu  5G technology lo no afecta ‘salud publico’?

Cu respet pa  nos compania Nacional Setar NV y tur instancia envolvi, PPA ta spera di por ricibi contesta y claridad riba  e problema aki.

- Advertisement -

DUNA COMENTARIO

Please enter your comment!
Please enter your name here