Producto Cannabidoil cu nomber “Aruba” creciendo internacionalmente

    1039
    0
    SHARE
    - Advertisement -

    ORANJESTAD (AAN): Aunke ainda e no a wordo aproba na Aruba pa uso medicinal, tog rond mundo tin un producto di azeta di cannabis cu ta birando mas y mas popular rond mundo.  E yama “Aruba CBD”.  E leternan CBD ta un abreviacion di Cannabidoil.

    E producto Aruba CBD ta creciendo internacionalmente, segun Sr. John Arends. Recientemente a cera un acuerdo cu’n otro comerciante pa e tin e productonan di Aruba CBD pa tin’e exclusivamente den tres ciudad na Irlanda del Norte.

    Segun Arends, na Irlanda e producto aki ta hopi den demanda, den diferente ciudad di e pais Europeo aki. E comerciante tin su tienda den un shopping mall grandi den un di e ciudadnan importante, manera Port Rush y Balaminas. Port Rush ta un di e ciudadnan hopi importante, caminda cu cu Golf Tournament anual ta tuma luga. E comerciante tin su tienda den e caya principal, cual ta hopi bishita pa turista.

    Esaki ta un logro grandi sigur pa tin un producto cu e nomber di Aruba ariba dje. Esaki ta un promocion pa Aruba CBD na Port Rush, vooral durante e temporada di golf. Aworaki ta temporada di winter, pero durante zomer e ta un di e ciudadnan mas importante, caminda cu hopi turistanan Mericano ta bishita. E expectativa ta cu e lo trigger e nomber Aruba, te na Irlanda del Norte no ta algo cu hopi hende no ta spera.

    Nan ta cumprando esaki via nan website.

    Sr. Arends tabata tin su contactonan ya cu e tin mas tempo den e mundo di negoshi aki. E nomber Aruba ta locual ta trahando ariba e mercadeo di e nomber na Irlanda del Norte. Tin hende cu nunca a tende di Aruba. E ta un propaganda cu ta worde haci pa Aruba. E nomber ta worde intriga pa e nomber y hopi hende ta busca pa sa unda Aruba ta keda.

    Locual cu Sr. Arends tin miedo di dje, ta pa tene cuidao pa no cumpra productonan asina no mas ariba caya. Ariba e website nan no ta tuma niun ordo for di Aruba. Si nan kier haci’e, nan kier haci’e bon. Tur informacion tocante CBD pa esun interesa pa haya mas informacion, con pa traha e productonan di CBD, tur e info ta ariba e website. Locual si cu nan ta pid, pasobra via e website por drenta y bira miembro, nan ta manda informacion tur siman.

    Por ultimo, Sr. Arends a bisa di a haya basta hende di Aruba cu ta manda email via e website, tocante nan storia y locual nan por haya cumpra ariba caya, cu ta laga nan cu’n mal experiencia. P’esey sr. Arends ta bisa pa tene cuidao cu esaki. E ta un toke hopi sensitivo, y mester tene cuidao di cumpra cualkier cos ariba caya.

    - Advertisement -

    DUNA COMENTARIO

    Please enter your comment!
    Please enter your name here