ORANJESTAD (AAN): Informacion for di Den Haag, ta indica cu Reina Maxima riba conseho di docter, tin di bay tuma descanso pa e dianan venidero. A base di su kehonan di salud, tin e sospecho cu e tin un infeccion di tripa.
Pero mas test tin di wordo haci door di mediconan, pa asina confirma e diagnostico aki.
Debi na esaki, Reina Maxima a dicidi pa cancela su viahe venidero pa Tanzania, cu mester a tuma lugar dianan 6 y 7 di November venidero. E tabata di bay pa representa su funcion como defensor special di Secretario General di Nacionnan Uni, pa financiamento inclusive pa desaroyo.
Mas informacion no a wordo duna pa Rijksvoorlichting dienst.
E potret di Prome Ministro Evelyn Wever-Croes y Reina Maxima ta saca na September na reunion na ONU na New York.
