Home Policial Ruman di victima tira deteni pa menaza cu arma den Dakota

Ruman di victima tira deteni pa menaza cu arma den Dakota

1082
0
SHARE
- Advertisement -

Madruga autoridad a drenta den cas na Dakota

ORANJESTAD  (AAN): Autoridad for di oranan di diamars marduga, a prepara full un team pa drenta adres na Dakota. Esaki ta relaciona cu e caso di tiramento cu a tuma luga diasabra den oranan di merdia.

A prepara y a tira inval. Recherche di Playa, reforsa pa mas miembro di cuerpo Policial. Pero den nan entrada no a haya e sospechoso. Ta buscando sospechoso y tambe arma di candela, relaciona cu e caso caminda cu Raymy Hernandis, tiramento cu el a comete contra di Luis Maduro, cu te ainda ta interna cu perforacion di tres bala.

Mirando cu falta e arma, e inval, despues di e prome interogacionnan, a dicidi cu ta bay drenta adres na Dakota.

Banda di 2’or pa 3’or di marduga, nan a bay y nan no a haya e sospechoso. Pero autoridad no a “give up”. A keda warda solo sali y den oranan di mainta, pasa di 8’or, a bay bek na un adres, pa ser exacto den Dadelstraat. Eynan nan a bin topa finalmente cu e sospechoso cu nan tabata buscando. Aki ta trata di Carmelo “Cabes” Maduro. E ta ruman di e victima herida Luis Maduro. Ta sospeche di posesion di arma di candela. El a hasta show esaki riba FB.

A confisca un auto tambe relaciona cu e investigacion. Mester a pidi patruyanan di Oranjestad pa asina transporta e sospechoso pa warda di recherche pa asina sigui cu e proceso di interogacion.

No ta conoci ainda si a haya e arma di candela, usa den e caso di tiramento mes, caminda cu Raymy Hernandis a lo tiro den Dakota riba Luis Maduro.

Luis Maduro tambe tabata cera despues di un caso di tiramento den Havana, caminda un hoben inocente a perde su bida, despues cu e bala perdi a alcans’e durante un actividad den oranan di anochi.

 

- Advertisement -

DUNA COMENTARIO

Please enter your comment!
Please enter your name here