Home Religion y Espiritualidad Segun Pastoor Szpila tur dia tin hende cu ta bay misa pa...

Segun Pastoor Szpila tur dia tin hende cu ta bay misa pa confesa

135
0
SHARE
- Advertisement -

Celebra e sacramento di reconciliacion

ORANJESTAD (AAN): Tin hopi hende ta bin confesa. Na Parokia di Dakota, tur dia tin hende cu ta bin confesa, segun pastoor Daniel Szpila. Ta algo cu ta bunita cu pueblo ta celebra e sacramento di reconciliacion.

Esaki ta keda yuda hende hopi. Pastoor Szpila ta testimonio di esey, ora cu ta mira cu hende ta sali for di confesionario cu sonrisa, tin biaha cu awa na wowo. Pero bo ta sinti cu nan a laga un peso, nan a laga atras cu scuridad y nan ta sali un luz di Dios y cu abraso di Dios.

Pastoor Szpila no por keha como sacerdote. Al contrario, e ta aprecia y ta contento y tur dia e ta den confesionario y casi tur dia tin persona cu ta celebra su reconciliacion cu Dios y cu Santa Iglesia, como miembro di iglesia.

Interes pa bin misa

Segun Pastoor Szpila, nos tin un pueblo poco reduci. Pueblo cu ta practicante, ta poco reduci. Si parokia di Dakota tin 12 mil habitante, segun Censo, e pueblo cu ta participa regularmente na misa ta rond di 800 persona.

No ta tur di 12 mil habitante, no ta tur ta catolico, pero ta un cifra masha reduci tambe di esnan cu ta di otro religion. Mayoria toch di catoliconan no ta practicante di un fe bibo, den sentido di participa den liturgia.

Pero toch nan ta participa den celebracionnan principal, manera Pasco Grandi, Pasco di December, nan ta participa den misanan di Aurora, nan ta participa den celebracionnan manera entiero, bautismo, den tur esaki por realisa cu nan ta participa.

Depende con e ta wordo mira. Si kier tuma na cuenta e hendenan cu ta bin misa regularmente riba cada diadomingo of cada weekend, esaki ta keda reduci. Ta rond di mas of menos 800 persona na Dakota. Pero si ta tuma na cuenta, e participacion poco mas liber, sin weekend bo ta haya tambe e otro parti di carnenan cu toch ta regresa den cura pa tuma un poco di forsa di Dios, un poco di e energia di Spirito Santo, di su luz, di su poder pa tambe nan lucha di lunanan largo despues.

 

 

- Advertisement -

DUNA COMENTARIO

Please enter your comment!
Please enter your name here