Home arte y espectaculo Spitfire cantante internacional di soca grabando den studio di Oslin Trimon

Spitfire cantante internacional di soca grabando den studio di Oslin Trimon

113
0
SHARE
- Advertisement -

ORANJESTAD (AAN) – Recientemente, Matutino DIARIO a bishita e artista local  Oslin Trimon, den su studio di grabacion situa den su cas mes, unda el a ricibi e bishita di un yiu di tera cu ta un artista internacional di soca, y cu a scoge e studio di Oslin  pa graba un cancion cu e lo lanza internacionalmente.

Den entrevista cu nos redaccion, el a conta cu su amigo Harvy Agumbero, cu ta tecnico ingeniero, a guie y aconsehe, entre otro, ki tipo di ekipo y software e por cumpra.

Hunto nan a pone un ekipo bastante sofistica. Oslin a señala cu na Aruba tin hopi bon studio, sin duda algun y esey ta di aprecia y e ta un nobo cu ta compitiendo den e balentenan.

Recientemente el a haci un produccion di soca cu a bay Inglatera y esaki a wordo gusta y a trece cune cu e conocido artista di soca Spitfire, naci na Aruba pero residencia na Miami y ta viaha rond mundo, y pa Oslin ta un honor grandi cu el a bin Aruba graba un cancion den su studio, cu e lo lanza internacionalmente.

El a expresa cu un studio por ta chikito, cu un grandura di 200 meter cuadra, pero e tecnologia ta conta, pasobra si e tecnologia no ta di suficiente calidad y grabacion su calidad tambe ta baha.

Oslin a comenta cu ya caba tin diferente grupo local cu a graba den su studio y e ta sinti hopi orguyoso di esey.

Ademas sr. Angubero a elabora riba un proximo proyecto cu varios artista local den e area di soca, unda nan lo canta riba e mesun ritmo cada ken cu su cantica separa.

E proyecto probablemente lo wordo lanza den November awor, of prome cu parada di flambeu di otro aña.

Tambe Spitfire a combersa cu nos redaccion y el a conta nos cu e tin 36 aña bibando na Merca. E tabata e prome hoben cu a canta den Calypso Contest na 12 aña di edad. Esaki den e añanan 76-77. El a gana e di tres premio, y e tempo ey no tabata tin ningun hobencito cu tabata canta soca monarch y el a drenta cu e grandinan e tempo ey.

E lo forma parti di e proyecto cu nan ta bay lanza pa e siguiente temporada di soca monarch durante Carnaval 2019 hunto cu varios artista reconoci den e area di soca.

 

- Advertisement -

DUNA COMENTARIO

Please enter your comment!
Please enter your name here