Home General Sterilizacion di pushi y cacho a sera te proximo aña

Sterilizacion di pushi y cacho a sera te proximo aña

21
0
SHARE
- Advertisement -

ORANJESTAD    (AAN): Stimami. Sterilisami  ta un programa di Bucuti & Tara Beach Resort cu a wordo lansa na fin di 2015 pa aporta na e proceso di sterilisa pushi y cacho crioyo na Aruba. Bucuti & Tara Beach Resort y sponsors TPEF y ATA ta yuda cubri gasto di sterilisacion pa yuda reduci e populacion di cacho y pushi riba caya.

Stimami Sterilisami, tin tres aña andando na Aruba, despues di a wordo lanza na fin di 2015. Miles di cacho y pushi a wordo sterilisa of capa den e añanan cu a pasa. E aña aki so (2018), Stimami Sterilisami a registra y yuda opera mas di 4.000 cacho y pushi!

E cifra impresionante aki di 4.000 y pico bestia registra ta mustra cu hendenan di Aruba ta poco poco birando mas conciente tocante e necesidad pa sterilisa cacho y pushi, sea cu nan ta tefi of macho. Na e mes momento sinembargo, e cifra ta mustra tambe cu e problema cu demasiado cacho y pushi na Aruba ta keda hopi hopi grandi mes.

Na comienzo di e aña aki Stimami Sterilisami a pone un balente suma disponible pa financia e sterilizacionnan, pero lamentablemente e inscripcionnan tabata asina halto, cu e placa a caba caba. Esey ta nifica cu a cera inscripcion den Stimami Sterilisami. No por inscribi mas cacho of pushi entrante awe prome di November 2018.

Otro aña Stimami Sterilisami lo bolbe cu esfuerzonan nobo, pa sigui cu e trabao di concientiza comunidad y traha na resolve e problema di cacho y pushi na Aruba.

 

- Advertisement -

DUNA COMENTARIO

Please enter your comment!
Please enter your name here