Home Enseñanza  Ta bay realiza un encuesta pa docente y pa comunidad

 Ta bay realiza un encuesta pa docente y pa comunidad

18
0
SHARE
- Advertisement -

Den cuadro di Plan Nacional di Enseñansa 2030

ORANJESTAD (AAN):  Na final di aña 2017 Minister di Enseñansa Sr. dr. A.R. Lampe a encarga Departamento di Enseñansa Aruba (DEA) cu e desaroyo di e Plan Nacional di Enseñansa nobo: NOP 2030.

Meta di e Plan di Enseñansa 2030 ta pa hunto cu tur stakeholder yega na un vision comun pa enseñansa na Aruba. E intencion ta pa e plan keda cla na december e aña aki.

Pa guia e proceso di NOP 2030, un grupo di coordinacion a keda forma pa funcionarionan di maneho di Departamento di Enseñansa. E grupo ta haya sosten di Biblioteca Nacional Aruba, CBS y otro seccionnan den Departamento di Enseñansa mes.

Den cuadro di e Plan Nacional di Enseñansa / Nationaal Onderwijs Plan 2030 tin un encuesta pa maestro y docente di tur e scolnan na Aruba y un encuesta pa comunidad disponibel ribe e website; www.ea.aw .

Meta di e encuesta pa docente y comunidad

Durante e ronda di consulta den e Siman di Enseñansa, cabesante di tur e scolnan na Aruba a haya e oportunidad di vocifera nan puntonan di atencion pa enseñansa y e elementonan cu nan lo kier wak bek den e vision pa Enseñansa 2030.

Docente y maestro por haci esaki tambe pa medio di un encuesta cu ta accesibel via di un ‘inlogcode’ cu nan a ricibi via e cabesante. Door di yena e encuesta aki, nan por vocifera nan opinion tocante enseñansa na Aruba y tambe ki elementonan lo kier mira bek den e vision pa Enseñansa 2030.

Enseñansa ta un proceso cu diferente actor cu ta hunga un rol crucial den e proceso. Pa e motibo akinan miembronan di nos comunidad tambe tin e oportunidad pa vocifera nan opinion tocante nos enseñansa y elementonan cu nan ta desea di mira den e vision pa 2030.

Departamento di Enseñansa Aruba ta enfoca riba e importancia di participa na e encuesta den cuadro di e Plan Nacional di Enseñansa 2030. Meta ta cu e proceso pa yega na e plan akinan ta uno, unda a scucha opinion di grupo hopi grandi di persona den e mundo di enseñansa y comunidad completo.

Por bishita www.ea.aw, click riba e banner NOP 2030, click riba e encuesta cu ta desea di yena.

E encuesta ta keda disponibel te cu 12 di november 2018

 

Mas informacion

Pa mas informacion tocante ful e proceso di NOP 2030 por acudi na e website di Departamento di Enseñansa Aruba [www.ea.aw] y por sigui’e via medionan social: Facebook, Twitter y Instagram @EducationAruba.

- Advertisement -

DUNA COMENTARIO

Please enter your comment!
Please enter your name here