Home General Ta celebrando Halloween na un forma inconciente

Ta celebrando Halloween na un forma inconciente

82
0
SHARE
- Advertisement -

ORANJESTAD   (AAN): Diaranzon 31 di October tabata e dia asina yama Halloween, cual varios pais rond mundo ta celebra. E fiesta aki ta mas tanto conoci na Merca, caminda muchanan ta bishita cas pa cas disfrasa y ta pidi “Trick or Treat”, caminda cu nan ta haya mangel den nan saco.

Pero Pastoor Andres di Parokia Savaneta, alabes vicario episcopal na Aruba y representante di Obispo, ta splica cu e ta haya oportuno y necesario pa duna algun comentario riba e celebracionnan di Halloween cu ta tumando luga na Aruba.

Por mira cu e mucha y hobennan ta keda involvi den e celebracion di Halloween.

 

Kico ta Halloween y kico ta su origen?

Nos ta celebrando Halloween na un forma inconciente, mirando e gran peliger di Halloween. E nomber Halloween supuestamente ta bin di e nomber antiguo All Hallow’s Eve, cual ta bispo di dia di Tur Santo. Hopi hende ta asocia esey cu religion.

En realidad e origen di Halloween ta for di siglo 6 prome cu Cristo, noord di Europa, di pueblonan Celta, caminda riba e fechanan ey, na final di October, nan ta celebra e fin di verano, fin di tempo di cosecha, caminda cu dianan scur ta yegando. Aki nan ta kere cu den e fechanan aki, nan tabata celebra e dianan di solo y cu Dios di morto ta duna permiso pa e defuntonan sali. Asina nan tabata considera cu e anochi di dia 31 di October pa dia 1 di November, ta un anochi cu spiritonan tabata baha riba tera y temorisa hende, pa motibo cu si nan tabata tey presente, e bibo y e difuntonan tur hunto. Nan tabata kere tambe cu spiritonan y almanan di hendenan tabata atrapa den bestianan. Pesey nan tabata haci diferente manera pa libera e almanan ey, ofreciendo sacrificionan. Sacrificionan di bestia, y hasta sacrificionan di hende.

E anochi ey tabata wordo considera como una nochi di teror, di spirito. Ta resulta cu historia ta papia di Jack-O-Lantern.

E leyenda ta bisa cu e no por a haya luga ni den shelo, ni den fierno. Pesey e ta vaga riba tera y semper e ta cana cu un lanterna cu ta traha di un vegetal, cu un carbon aden. Y di esey tambe ta bin e custumber di pampuna.

Nos por mira aki e encuentro di e mundo di bibo y mortonan. Ta mortonan cu ta keda presente entre e bibonan y ta terorisa hende.

Poco poco ora cu e luganan ey, sea ta actualmente ta luganan di Irlanda, den Cristianismo, ta confundi custumbernan pagano cu custumbernan Cristian.

Di un banda, nan ta celebra Dia di tur Difunto. Di un otro banda nan ta keda cu e historia pagano aki, caminda nan ta kere cu mortonan ta presente hunto cu e bibonan. Pa nan a scapa di e teror ey, nan tabata disfrasa nan mes pa nan parce mescos cu nan. Pesey nos conoce awe e disfras sea di morto of algo teribel cu mascaradanan masha horibel, cu ta expresa morto, cu ta expresa hasta asesinatonan, con hendenan a muri, etc. Pa asina hende no keda identifica, nan ta bisti disfras di loke ta morto y asina nan ta scapa di e terornan y keda perdi den e multitud.

Despues e custumber aki ta drenta Merca. E ora ey kisas no solamente nan ta usa disfras, pero hunto cu e weganan, ta bin cu e custumber di Trick or Treat, caminda muchanan ta bay riba caya, unda cu nan ta busca mangel. Si nan no ta haya, e ora ey ta bin cu e triki di maldad.

Den fondo por mira cu semper tin cosnan straño den e celebracion aki. Pero lo mas esencial ta cu riba e anochi aki, dia 31 di October pa 1 di November, ta celebra aña nobo Satanico. Y poco hende ta papia riba e punto aki.

Esey ta keda considera como anochi di aña nobo di Satanas y cumpleaños di Satanas.

E anochi ey, gruponan Satanico ta celebra loke nos ta yama Misanan Preto. Nan ta haci hopi sacrificio, mescos cu den pasado di bestia y tambe sacrificionan humano. Mester wak bon pasobra lamentablemente tin aki na Aruba diferente ceremonia Satanico cu ta tuma luga na un ke otro santana. Hopi biaha esey a sosode y mas tanto riba e fechanan aki.

 

Un advertencia

No solamente Catolico, Cristian en general, pero tambe Testigonan di Jehova, y otronan, ta contra di Halloween. Ta sorprendi cu toch Halloween ta haya tanto forsa. Pasobra lamentablemente forsanan maligno tin asina forsa.

 

Con pa combati

No solamente cu e mensahenan aki, pero tambe, Pastoor Andres kier yama atencion cu poco siman pasa Pastoor Juancho tabata tin encuentro cu maestronan di scolnan Catolico. Claro cu un grupo a participa, caminda cu a trece e tema di Halloween.

Siman pasa tabata tin e tema aki pa muchanan cu ta prepara pa confirmacion. Si Halloween como tal ta indica bispo di tur Santo, den parokia di Savaneta por ehempel, diahuebs, cu ta dia di Santonan, ta bay celebra misa y despues di misa muchanan ta bisti disfras, pero di santonan, pa mustra cu e manera Cristian/Catolico, por celebra fiesta di tur santonan.

Conciente kico ta pasando den anochi di dia 31 di October, pa dia 1 di November, ante todo iglesia ta invita fielnan pa oracion. Den parokia di Savaneta tin por ehempel oracion di rosario, bao di oracion di santisimo sacramento, cual ta tuma luga pa 7’or di anochi na Savaneta.

Manera misa di Brazil, nan tin un vigilia di anochi completo, pa pidi Dios pordon pa tur acto cu ta keda cometi contra Dios durante e anochi di Halloween. Aki ta mira e peso di loke ta pasando y con iglesia ta busca manera di combati.

Por imagina henter anochi den oracion y pa 3’or di marduga nan ta bay celebra misa, ya pa drenta den salbacion di tur santonan.

Pastoor Andres ta yama atencion di mayor y educadornan, formadornan pa ta conciente cu si no sa, busca di haya sa kico ta Halloween y si no ta convencebo, e mensahe di un sacerdote, kisas algo material cu ta haya riba paginanan Cristian/Catolico, tin varios testimonio di hendenan cu tabata den sectanan Satanico. Hasta Sacerdotenan Satanico cu ta duna testimonio cu Halloween ta un fiesta diabolico. Y cu esaki ta un spiertamento pa nos pueblo di kico ta Halloween. Y bisa no na Halloween.

 

- Advertisement -

DUNA COMENTARIO

Please enter your comment!
Please enter your name here