Home Deporte Team Aruba femenino ta cla pa e Campeonato Americano di beach tennis

Team Aruba femenino ta cla pa e Campeonato Americano di beach tennis

63
0
SHARE
- Advertisement -

ORANJESTAD (AAN) – Aruba como e anfitrion di e ITF beach tennis Panamerican Championship  tin un ventaha riba tur e otro paisnan participante. Tur pais por participa cu 2 team den e 3 categoria nan, pero Aruba den e caso aki por tin 3 team. Y claro ta hasi uso di esaki.  Y awe Beach Tennis Aruba, cual ta e federacion local pa e deporte aki, kier a introduci na e pueblo di Aruba e seleccion femenino.

TEAM ARUBA 1: Maud Celaire (83) & Dominque Hopman (67)

TEAM ARUBA 2: Kaman Hui (285) & Maartje Heerkens (405)

TEAM ARUBA 3: Eugemine Ignacio (427) & Suze Binken (405)

E seleccion nacional sigur ta a bin ta train ya pa algun luna caba. Esey ta bisa cu nan ta bon prepara pa duna nan maximo den e bataya pa asina logra subi podium pa nos isla di Aruba den e deporte di Beach Tennis. Un deporte cu ta keda crece, mas y mas den nos hubentud. E aña aki Marieke, kende ta hopi conoci den e deporte aki, a dicidi di pone su paddle un banda y dedica full su tempo pa train e seleccion femenino di Aruba

E Panamerican Championship ta cuminsa awe Diahuebs dia 8 November na Tropicana Beach Tennis Club, cu a e apertura oficial. E prome weganan lo start diabierna mainta 9’or. Ta invita tur hungador di Beach Tennis como tambe e pueblo deportista di Aruba pa pasa apoya nos ekipo local como tambe e bishitante nan durante e torneo aki

- Advertisement -

DUNA COMENTARIO

Please enter your comment!
Please enter your name here