Home arte y espectaculo Team CineAruba galardona cu 5 premio durante Bonaire 48 hours film project

Team CineAruba galardona cu 5 premio durante Bonaire 48 hours film project

53
0
SHARE
- Advertisement -

ORANJESTAD (AAN): Entrega di premio di e competencia di 48 ora di Bonaire a tuma luga riba diasabra cu a pasa y e team di CineAruba a logra konsita 5 premio.

Tur cos a cuminsa ora cu Juan Francisco Pardo di Fundacion CineAruba a acerca e hoben talentoso Ronney Dotel pa forma parti di team CineAruba pa participa na e competencia di 48 ora di Bonaire. Durante e simannan cu a sigui e team a crece y a keda completa cu nuebe miembro kende nan ta Ronney Dotel, Ephrayim Odor, Adriano Nanof, Juan David Villar, Juan Ivan Quandt, Kenna Hernandez, Gustavo Pulido, Darwin Sanchez y Juan Francisco Pardo.

Riba diabierna 2 di november e team di CineAruba a ricibi nan genero di pelicula y tur e atributonan cu mester sali den e pelicula. Ephrayim Odor a crea e storia y el a skirbi e script cu a haya e titulo di Time Frame. Riba diasabra e team a haci tur e grabacionnan y e mes un diasabra nan a inicia cu e post-produccion di e pelicula cortico. Diadomingo e team a finalisa e edicion tanto di zonido como edicion di imagen. Despues nan a entrega e pelicula na un representante di Departamenteo di Cultura.

Riba e anochi di gala CineAruba a keda representa na Bonaire pa Judith Brekelmans kende a ricibi e premionan den nomber di e team di CineAruba. E premionan ta consisti di miho uzo di personahe, miho diseño di zonido haci pa Adriano Nanof, miho actor den man di Ephrayim Odor, miho direccion bao di encargo di Ronney Dotel y miho cinematografia bao di encargo di Ronney Dotel y Juan David Villar. Tambe Time Frame a keda na di dos luga pa miho pelicula cortico.

Fundacion CineAruba ta gradici Elvis Lopez y Ateliers ’89 y tambe na e organizadornan di 48 ora Bonaire entre otro señor Dennis Martinus pa e oprtunidad pa participa. Fundacion CineAruba ta felicita su team y tur e otro participantenan cu a keda premia.

 

- Advertisement -

DUNA COMENTARIO

Please enter your comment!
Please enter your name here