Home General Training Multi-disciplinario a demostra e interes y disponibilidad pa ta prepara ora...

Training Multi-disciplinario a demostra e interes y disponibilidad pa ta prepara ora di un desaster

32
0
SHARE
- Advertisement -

Rino Hermans di Rampen Bureau:

ORANJESTAD (AAN): Manera a wordo anuncia, Rampen Bureau tabata tin un training multi-disciplinario diamars anochi unda cu a pone diferente escenario di calamidad.

Riba esaki, Rino Hermans di Rampen Bureau a duna di conoce cu nan ta train a base di un skema y cada dos aña nan ta train e parti di aeropuerto pa loke ta e certificacion.

Segun Hermans, a train pa un avion cu tabata bahando  y cu e confronta problema. Tabata tin den e caso aki varios herido.

Tabata tin un promedio di 70 boluntario cu a haci e papel di victima y fuera di esey diferente departamento di gobierno y pafo di gobierno a traha hunto pa atende debidamente cu e situacion y atende cu e victimanan.

ImSan a atende cu e victimanan menos grave. E victimanan grave mes a bay hospital, cual tabata un cantidad basta grandi tambe y asina hospital tambe ta prepara pa train nan departamento di emergencia pa ora un calamidad sosode, Hermans a indica.

E representante di Rampen Bureau a gradici tur e boluntarionan cu a coopera entre otro, clubnan di servicio, Mariniers Kazerne, Scol di Polis, prensa y otro boluntarionan cu a inscribi pa participa.

E training a tuma lugar entre 10:30 pm diamars te 1:30 am di diaranzon. Mester train pa wak unda e erornan ta of unda mester mehora. Ya caba a ripara cu tin cierto cosnan cu den practica (bida real) mester mehora.

Rino Hermans a subraya cu e training ta pa siña. E cantidad di responders mes ta mustra e interes cu tin y e disponibilidad pa ta prepara pa cualkier calamidad ora cu esaki sosode.

- Advertisement -

DUNA COMENTARIO

Please enter your comment!
Please enter your name here