Home Turismo Turista sorprendi cu su bebida den 1 aña a subi cu $2

Turista sorprendi cu su bebida den 1 aña a subi cu $2

543
0
SHARE
- Advertisement -

ORANJESTAD (AAN): E siman aki, DIARIO a tuma nota di un turista cu a expresa riba Social Media, con prijs di productonan a subi den sector di Horeca riba e isla.

El a mustra cu el a acudi na su Bar faborito cu tin na Palm Beach, y aki semper e tabata pidi su bebida frozen cu tur aña e ta busca.

E dama turista procedente di New Jersey, ta un persona cu tin bon memoria, ta keda cu tur recibo, y for di su cabez sa cu aña pasa el a paga US$ 6 pa e bebida ey.

E biaha aki e mesun bebida den mesun glas, a bira US$ 8.  E turista a keda asombra cu den apenas 1 aña di tempo, su bebida favorito a subi cu $2 completo.

Tin poco duda cu industria turistico ta confrontando algun periodo cu yen reto.  Tur esaki tin di haber cu costo grandi di overhead, pero tambe ta bin acerca e componente di transporte y importacion na Aruba.  Costo di combustible, hunto cu subida di tarifa pa importa container via Barcadera, y e monton di Belasting cu e pober ciudadano y turistanan tin di paga.  Aruba awor tin e aña aki algun belasting extra.

Tur esaki ta pone presion riba industria turistico, sin lubida e trabao pa brinda seguridad, y pa nan salud keda garantiza.

Pero aki ta mira, cu un simple frozen drink mes a subi cu $2.  Ta con hopi otro productonan y cuminda lo a subi anto di prijs den sector di horeca na Aruba.  Ta cuanto turista mas lo ta spantando di e prijsnan e simannan aki.

- Advertisement -

DUNA COMENTARIO

Please enter your comment!
Please enter your name here