Home Comercio Workshop di IDEA “Time for Taxes”  tabata bon atendi

Workshop di IDEA “Time for Taxes”  tabata bon atendi

14
0
SHARE
- Advertisement -

ORANJESTAD  (AAN) – Dia 13 november 2018, IDEA (Iniciativa pa Desaroyo pa Empresa Arubano) a ripiti abase di peticion di e clientenan, e workshop: “Time for Taxes”.

E oradornan di Departamento di Impuesto (DIMP), Sr. Arjan Kisjes, Sra. Valeska Milton-Genaro y Sra. Johrainne Giron-Lacle, a presenta e siguiente topiconan:

Inkomstenbelasting

Winstbelasting

BBO/BAVP/BAZV

Loonbelasting y primanan social

Verzamelloonstaat

Verzamelstaat opgaaf derden

   Na final di e workshop sra. Meverly Romano, vocero di DIMP, a presenta e website di DIMP caminda e ta demostra tur e informacionnan y formularionan cu ta accesibel riba e website y tambe pa informa e participantenan di cierto cambio cu lo bay tuma luga otro aña.

Durante e presentacion, e participantenan a haya oportunidad pa traha riba casus caminda nan por a practica e teoria cu nan a ricibi durante e presentacion. Un workshop sigur hopi interactivo y un tremendo presentacion di parti di e team di Departamento di Impuesto.

Un total di 35 persona a participa den e workshop menciona. IDEA ta sumamente contento cu e acogida di e workshop y e bon comentarionan ricibi di su participantenan. Semper belasting ta keda un topico hopi importante pa nos comerciantenan y pa e motivo ey nos lo bay ripiti e workshop aki tur aña pa nos comerciantenan. Tambe IDEA  kier remarca cu nan workshopnan ta gratis y ta dedica na un y tur cu kier cuminsa un negoshi of tin un negoshi existente y kier educa nan mes riba diferente topico  comercial.

Un danki na tur e participantenan y un danki special na e presentadornan di Departamento di Impuesto cu a comparti nan experticio cu tur esnan presente. IDEA ta gradici tur e coleganan di DEZHI cu a yuda na un of otro manera.

 

 

- Advertisement -

DUNA COMENTARIO

Please enter your comment!
Please enter your name here