Actualmente no tin estado di alerta pa casonan di Influenza

    161
    0
    SHARE
    - Advertisement -

    Dr. Wilmer Salazar:

    ORANJESTAD (AAN):   Departamento di Salud a tene su rueda di prensa semanal dialuna mainta y e biaha aki a wordo presenta e ultimo topico pa cu e aña aki cual ta trata di e topico di Influenza.

    Jurette Croes, vocero di DVG a indica cu influenza ta un malesa viral hopi contagioso cu ta afecta e sistema respiratorio. Den temporada di december hopi persona ta haya griep y algun influenza por ta hopi simpel y no ta alarmante. Pero pa otronan Influenza por tin complicacionnan serio.

    Pa elabora riba esaki a invita Dr. Wilmer Salazar y Ronald Geerman di Malezanan Contagioso.

    Inicialmente Dr. Salazar a indica cu ta na su lugar pa comunidad ta na altura riba e desaroyo y e accionnan preventivo cu mester tuma pa loke ta malesanan contagioso hopi conoci manera esakinan.

    El a bisa cu no tur malesa respiratorio ta Influenza. Tin diferente virus cu tin sintomanan similar na Influenza. Influenza tin sintomanan hopi particular. E ta duna keintura halto, calafrio, dolor di curpa y despues di un par di dia, nanishi ta core, dolor di garganta, tosamento y e ta dura entre 7 pa dies dia.

    Sinembargo, tin un situacion unda lo por tin complicacionnan cerca cierto gruponan di risico. Muchanan bao di 2 aña di edad, hendenan cu malesanan inmuno debilitante manera diabetes, hendenan cu ta tumando remedi cu ta baha e defensanan, hende cu tin algun condicion di infeccionnan manera HIV-AIDS, hendenan cu ta sufri di curazon, problema di pulmon, bronkitis cronico, asma, malesanan manera cancer, hendenan cu ta na estado, entre otro.

    Pesey ta importante, segun Salazar, pa ta na altura cu den e temporada aki ora tin yobida of cambio di clima, e movecion rond mundo cu e parti turistico ta trece como consecuencia cu Aruba lo por tin algun tipo di e malesanan aki.

    DVG semper ta vigilante riba e comportacion di e tipo di virus respiratorio aki ya cu Influenza ta algo mundial. Di e manera aki por alerta comunidad si e comportacion lo por bira mas agresivo cu consecuencianan te hasta fatal, e experto a duna di conoce.

    Actualmente, Influenza su comportacion no ta di alerta, pero si mester tene cuenta cu esey. Biaha pasa tabata tin un campaña di vacunacion y hopi hende a haya vacuna. Esey ta e efecto cu ta premira.

    A enfatiza cu e vacuna di aña pasa no ta e mesun vacuna di e aña aki door cu e virus ta cambia hopi. Pesey mester haya vacuna tur aña.

    Hendenan di edad lo por tin mas complicacion door di Influenza manera neumonia of algun otro tipo di afeccion cu lo por conduci na hospitalizacion y hasta tin consecuencianan manera morto, Dr. Wilmer Salazar a enfatiza.

    Pa loke ta e vacuna a bisa cu esaki ta 99% safe y e complicacionnan ta 1 den 1 miyon, a remarca. Ochenta porciento di e causa di malesanan, di e griep pisa, e ta causa door di Influenza. e 20% restante tin otro virus manera e virus syncytial respiratorio, e virus di parainfluenza, adenovirus, cu tambe ta circulando, pero cu ta hopi menos, Dr. Salazar a indica.

    - Advertisement -

    DUNA COMENTARIO

    Please enter your comment!
    Please enter your name here