Home Hudicial Acusado sumamente peligroso treci for di Hulanda pa su caso den Corte...

Acusado sumamente peligroso treci for di Hulanda pa su caso den Corte Superior

421
0
SHARE
- Advertisement -

Bao vigilancia pisa el a wordo hiba Corte

ORANJESTAD (AAN) – Bao vigilancia pisa e acusado E.Mercano Gonzalez a wordo hiba Diamars edificio di Corte di Husticia pa e caso di apelacion den Corte Superior. E acusado Mercado Gonzalez tabata hunto cu B.B. y R.V. den sala di Corte.

Nan tres mester a presenta pa e apelacion. Na December 2017 sentencia a cay relaciona cu e caso di asalto arma na Januari 2017 na La Estrella y tambe un asalto arma na Gem Stones.

Na December 2017 Hues a bisa den su sentencia:

–          R.R.V., acusa di posecion di armanan. Hues no ta haya legalmente proba cu R.R.V. realmente tabata den posecion di armanan y pesey ta declar’e liber. Hues a duna orden pa e armanan wordo destrui.

–          E acusado B.B., Hues ta haya legalmente proba cu B.B. ta complice di e asalto na La Estrella riba 14 Januari 2017. Hues a condena B.B. na 30 luna (2 aña y 6 luna) di prison, kitando e tempo cu e ta sera na KIA. E auto cu cual B.B. tabata, lo keda confisca.

–          E acusado E.Mercano Gonzalez na Hulanda sera, Hues a bisa cu a keda legalmente proba cu Mercano Gonzalez ta culpable di complice di e asalto arma na La Estrella y posecion di arma y balanan. Tambe Mercano Gonzalez ta complice di e asalto arma na Gem Stones.

Hues a condena Mercano Gonzalez na 6 aña y 6 luna di prison. Ademas Hues a ordena cu Mercano Gonzalez tambe mester paga 6128 florin na e 6 personanan na Gemstone. Tambe cu Mercano Gonzalez mester paga 50 mil florin na Gem Stones. Hues a fiha e medida di pago pa si Mercano Gonzalez no paga e personanan, 65 dia di prison y si e no paga Gem Stones, 285 dia di prison.

E motibo cu Mercano Gonzalez ta sera na Hulanda ta pasobra cu ora e tabata sera den KIA, el a laga sa cu e lo huy. Mirando e hecho cu Mercano Gonzalez anterior a wordo condena pa un asalto arma na banco na Noord, a dicidi di mand’e Hulanda na un prison di vigilancia estricto ya cu e ta wordo considera sumamente peligroso.

CASO POSPONI

E caso di Diamars no a sigui. Ta asina cu un di a abogadonan no a prepara pa defende su cliente y esey a haci cu Hof a dicidi di pospone e caso te cu Februari 2019. Hof su punto di bista ta cu kier trece e caso di tur tres hunto.

Ta asina cu Mercano Gonzalez ta wordo traslada bek pa Hulanda te na Februari 2019 ora cu e caso bin dilanti atrobe.

 

- Advertisement -

DUNA COMENTARIO

Please enter your comment!
Please enter your name here