ORANJESTAD (AAN): Pa di dos aña, aeropuerto ta haci su decoracionnan, tanto paden di aeropuerto como dilanti di aeropuerto.
Segun Hendrick Croes, vocero di aeropuerto, nan ta enfoca hopi parti pafo. Den pasado aeropuerto tabata decora e rotonde. Pero kier a pone mas enfoca mas atencion riba aeropuerto mes. E ora e decoracion tanto paden cu pafo ta cuadra tiki mas cu otro. Aña pasa nan a cuminsa na un manera tiki mas simpel. E intension ta pa agrega mas decoracion den e area di aeropuerto.
Loke nan ta decora, ta una bes cu tur hende pasa den e caya dilanti di aeropuerto, por mira Icicles di luz LED ta wordo colga na e palonan di luz y e plenchi dilanti di aeropuerto, ta wordo decora cu e luznan mas chikito, dunando e ambiente di pasco. Tin cu percura pa e plenchi dilanti di aeropuerto tambe wordo decora cu e colornan cu ta cuadra cu e logo di Aeropuerto Internacional Reina Beatrix, cual ta e blauw, berde, teal y blanco.
Croes a agrega cu e parti di decoracion, diferente hende ta encarga cu esaki. Tin un ambiance committee cu ta encarga cu e parti di decoracion. Tin e departamento di airport development pa e trabao wordo haci.
Bopel y Rotec ta hopi esencial den e parti aki tambe, pasobra nan tin e experticio pa por haci esaki. Ta hopi hende di diferente comision ta traha hunto. Na final ta keda algo hopi bunita cu aeropuerto den su totalidad y Aruba por ta orguyoso di dje.
