Home Hudicial Aruba a firma acuerdo cu Colombia pa lucha contra crimen y corupcion

Aruba a firma acuerdo cu Colombia pa lucha contra crimen y corupcion

129
0
SHARE
- Advertisement -

ORANJESTAD   (AAN): Informacion cu DIARIO a ricibi ta mustra cu riba 11 di december ulrimo a firma un Memorandum of Understanding (MOU) e Procuraduria General di Colombia y Ministerio Publico di Aruba (OM).

E MOU aki tin como meta, segun informacion di Caracol Radio online, profundiza e mecanismonan di cooperacion tecnico y hudicial entre ambos organismo.

Particularmente, ambos entidad ta busca intercambia e bon practicanan y experiencia cu e obhetivo di lucha contra e delitonan liga cu corrupcion, trafico di hende, explotacion sexual comercial y demas delitonan relaciona cu e delincuencia organiza transnacional.

Durante e firma, cu a tuma lugar na e Ministerio Publico na Bogotá, Procurador General di Aruba, Alexander van Dam, a enfatiza e importancia di e cooperacion ak.

Na otro banda, Joris Jurriens, encarga cu e departamento di Relacionnan di e Embahada di Reino Hulandes, a menciona cu e MOU ta un instrumento importante pa e trabao conhunto entre Colombia y e Reino Hulandes contra e corupcion y e delincuencia internacional.

“E idea ta fortalece e relacionnan entre e dos entidadnan pa intercambia experiencianan internacional y colabora den asistencia huridico di manera reciproco y lucha contra hopi fenomenonan cu ta ocasiona daño”, Jurriens a bisa.

Asimismo a splica kico lo ta e beneficionan di a firma e MOU aki. “Colombia y Aruba ta  paisnan bisiña y e crimen transnacional no tin frontera pesey ta importante e colaboracion entre  e dos paisnan pa asina lucha contra e corupcion y e delincuencia internacional”.

Alexander van Dam, kende tambe ta eherce como Fiscal General di Aruba, tambe a sostene reunionnan cu e Fiscalia General y Polis, cu e obhetivo di reforza e cooperacion y e intercambio de informacion entre e dos paisnan.

Potret: Website di Caracol Radio

- Advertisement -

DUNA COMENTARIO

Please enter your comment!
Please enter your name here