Home General Aruba Airport Authority N.V. a organisa e prome Construction Fair

Aruba Airport Authority N.V. a organisa e prome Construction Fair

54
0
SHARE
- Advertisement -

Den cuadro di Aeropuerto di Aruba su proyecto Gateway 2030:

ORANJESTAD   (AAN) – Riba diahuebs 29 di November, Aruba Airport Authority N.V. (AAA) a organisa e prome Construction Fair pa e proyecto di expansion Gateway 2030 den e ballroom di Hilton Hotel.

E evento a wordo organisa como parti di e preparacion pa e proceso di tender pa e construccion di e expansion di e terminal principal, cu segun e schedule mester cuminsa na final di Februari.

E meta principal tabata pa introduci companianan di construccion internacional na e business community y e departamentonan gubernamental na Aruba, den e esfuerso pa e companianan internacional familiarisa cu e proceso di haci negoshi na Aruba y pa sigura cu companianan local ta un parti significante den e construccion cu lo tuma lugar den e siguiente añanan nos dilanti.

E apertura a tuma lugar cu speech di Prome Minister di Aruba, Sra. Evelyn Wever-Croes cu a enfoca riba e importancia di e proyecto Gateway 2030 pa e futuro crecemento di nos isla y pa e economia di Aruba.

Despues di e speech di Su Excelencia a hiba palabra Minister di Infrastructura, Desaroyo Espacial, Infrastructura y Medio Ambiente Sr. Otmar Oduber  cu a sigui bisando con importante sostenibilidad, metodonan di construccion green y crecimento responsabel ta pa e isla su exito.

E apertura a wordo sigui pa un presentacion hopi detaya riba e elementonan mas importante di e proyecto, un presentacion di Aruba su proceduranan di codiconan di impuesto, como tambe participacion di DPL y Departamento di Asuntonan Economico y a conclui cu un networking session, unda e companianan internacional y local a hanja e oportunidad pa intercambia informacion y contacto pa oportunidadnan pa traha hunto den futuro.

Un total di 13 compania di construccion internacional a atende e Construction Fair y tabatin e oportunidad pa conecta cu 55 compania di construccion, suppliers y vendors cu a atende e evento.

Tambe presente tabata BEUMER Group, e compania encarga cu e sistema di Baggage Handling nobo y e compania di construccion internacional Ballast Nedam, cu recientemente a haya e contract cu AAA pa construi aeropuerto su base di utilidad y e edificio pa e entrada di e post di seguridad y lo percura pa e re-alocacion di e sistemanan di utilidad principal. Den e proyecto aki  AWM/ JAJO hunto cu subcontratistanan Bopel, CHS, y Robertson ta envolvi.

“Nos tin confiansa cu e Construction Fair tabata un evento esencial pa e companianan di construccion local y internacional pa conose otro y traha na forma partnerships nobo cu otro y alcansa e balans necesario di experticio local y internacional cu mester pa por ehecuta un proyecto asina grandi y complex,” asina CEO di AAA Sr. James Fazio a bisa.

- Advertisement -

DUNA COMENTARIO

Please enter your comment!
Please enter your name here