Home General Asociacion Contratistanan Chikito di Aruba ta cla pa cuminsa traha

Asociacion Contratistanan Chikito di Aruba ta cla pa cuminsa traha

116
0
SHARE
- Advertisement -

Despues di firma na notario Johnson

ORANJESTAD (AAN): Recientemente den oficina di notario Johnson a tuma lugar firmamento di asociacion Contratistanan Chikito di Aruba (CCA), cu tin como obhetivo pa stimula y tene na cuenta interes general di contratistanan chikito cu ta traha pa departamentonan di Gobierno, manera Santa Rosa, DOW y Serlimar.

E asociacion aki kier traha na bienestar di nan miembronan, pero tambe di companianan como intermediario pa tur logra un mihor acuerdo y beneficionan mutuo.

Presidente di CCA, Sr. Anthony Geerman y Tesorero, Sr. Marcelo Kock a firma hunto cu notario Johnson e acta cu ta haci e asociacion un realidad. Sr. Geerman a gradici notario Johnson y su oficina pasobra sin nan asistencia, e asociacion no lo yega asina leu. Nan tambe ta gradici nan miembronan, cu ta hopi entusiasma cu e futuro di e asociacion.

Sr. Geerman a agrega cu e asociacion no a wordo lanta solamente pa e clase trahador, sino pa bienestar di Aruba. Nan ta bay traha duro pa Aruba en general! No por lubida cu DOW, Serlimar y Santa Rosa ta duna e ‘face-lift’ pa Aruba, y esaki no ta solamente pa comunidad di Aruba sino pa turismo, cu ta pilar economico di Aruba.

- Advertisement -

DUNA COMENTARIO

Please enter your comment!
Please enter your name here