ORANJESTAD (AAN) – Personal di DIARIO a wordo sorprendi ayera atardi pa sr. Sunny Ramchandani, Gerente di SAMS, cu a trece pa cada un di nos un regalito di Pasco.
Esaki ta un Sport Water Bottle BT Speaker, cu ta otro producto novedoso di e tecnologia cu ta sigui avanza y cu a bira indispensable awendia.
Personal di DIARIO tin fresco den su memoria ainda, pa e mesun temporada aki aña pasa cu nos amigo asina aprecia Manolo, tambe a obsequia cada un di nos un lampi masha bunita cu ta saca diferente tipo di color y cu tambe por bira un tipo di luz led.
Awor ta Sunny ken a bin pone un smile riba nos cara, cu algo asina bunita cu ta consisti di un boter pa nos no lubida con importante ingeri likido tur dia y cu alavez nos por haci esaki scuchando musica.
Palabranan di danki di e personal di DIARIO pa SAMS, y sr. Ramchandani pa e bunita gesto aki.
Riba potret por aprecia e momento agradable aki.
