Home Parlamento CAft y Hulanda por tin nan kier pero Gabinete Wever-Croes ta esun...

CAft y Hulanda por tin nan kier pero Gabinete Wever-Croes ta esun cu ta stipula su maneho

231
0
SHARE
- Advertisement -

Parlamentario Rocco Tjon:

ORANJESTAD (AAN) – Den conferencia di prensa di MEP, Parlamentario sr. Rocco Tjon, lider di fraccion, a toca e tema di maneho financiero y con Gabinete Wever-Croes ta stipula su maneho.

E parlamentario a expresa cu el a tuma nota cu contrincantenan politico tur dia ta purba di bruha tera, nan ta publica articulonan cu ta bisa cu e maneho no ta bon, cu CAft ta bisa cu ainda tin mas espacio pa baha e deficit, etc.

Tjon a señala cu ta importante pa pueblo compronde cu na momento cu e presupuesto 2018 a wordo trata, ya tabata conoci cu lo tabata tin mas gasto y esaki a wordo presenta pa Parlamento y pa pueblo, na un manera masha transparente mes y e motibo pa esaki tambe a wordo presenta, unda cu e aparato gubernamental a wordo neglisha pa hopi aña.

Parlamentario Rocco Tjon a indica cu pesey, ora di mira e presupuesto 2018 lo wordo splica cu lo tuma mas personal pa e departamentonan di gobierno y no na e bureaunan di minister.

E parlamentario a trece algun ehemplo manera cu mas klas di polis a cuminza y diferente maestro a wordo emplea. Esaki pa menciona dos sector cu a keda neglisha pa hopi aña. Tjon a subraya cu, obviamente, ora ta tuma mas polis y mas maestro den servicio e inversion ta subi. Pero importante ta den e temanan aki cu asina ta yuda e departamentonan concerni sobrepasa e retonan cu nan ta conoce.

E parlamentario a remarca cu tur e gastonan di ministerionan, di e bureau di ministernan a baha. Esaki ta caracteriza e maneho responsable di e gabinete aki y esun cu tambe  Parlamento ta para pe.

Ora ta trata di maneho financiero, tin normanan cu a wordo stipula pa sanea e situacion cu Aruba ta aden. E maneho aki a wordo presenta tambe den e presupuesto 2018 den un memorandum financiero- economico, y ora di wak e cuadro aki, tin sumanan cu a wordo aproba door di Parlamento pa por aplica nan maneho, y e presupuesto supletorio 2018 su budget ta neutral. El a acentua cu e maneho financiero cu a ser stipula a wordo logra tambe.

E Parlamentario a señala cu e rumbo cu a wordo stipula door di e gabinete Wever-Croes y cu a conta cu aprobacion di Parlamento, ta wordo logra pa nos pais sali for di e situacion cu e ta aden. Y asina lo ta tambe pa presupuesto 2019 y e normanan aki ta wordo logra tambe segun informenan cu Parlamento a haya caba.

El a splica cu pa ta importante pa splica esaki pasobra na 2014 gobierno di Mike Eman a haya un besluit di Reino. E hecho cu e presupuesto 2018 a wordo ehecuta dentro di e margennan no ta algo comun pasobra pa hopi aña esaki no a sosode.

Tocante e ponencia di CAft cu e deficit por wordo baha mas, esey ta corecto segun e Parlamentario, pero el a acentua cu e maneho ta keda algo di nos pais.

Como un pais autonomo, ta Gabinete Wever-Croes ta dicidi na ki manera e ta bay sanea e situacion financiero. Atravez di e maneho responsable stipula den e memorandum financiero-economico, ta logra esaki y pa 2018 e norma a wordo logra, y si CAft of Hulanda kier pa e norma ta otro, nan por tin e kier ey pero na final di dia ta gobierno di Aruba ta stipula su maneho, e parlamentario a reitera.

- Advertisement -

DUNA COMENTARIO

Please enter your comment!
Please enter your name here