Home Hudicial Caso di 2017: Ministerio Publico lo no actua contra Polis cu a...

Caso di 2017: Ministerio Publico lo no actua contra Polis cu a tira persona mata

564
0
SHARE
— Un persona a ataca un Polis, y el a fayece. Su colega a tira cu su arma riba e persona, kende tambe a fayece.
- Advertisement -

ORANJESTAD (AAN): Ministerio Publico a cera e investigacion di un incidente cu a tuma lugar casi 1 aña y mey pasa.

Tabata riba Dialuna 3 di Juli 2017 na Boegoeroei, den cual un agente policial y un ciudadano a fayece. E incidente mortal a worde investiga door di LandsRecherche. Fiscal di husticia a pone e famia di e fayecidonan na haltura di e conclusionnan di e investigacion. Ademas fiscal di husticia a informa e sospechoso tocante e decision tuma.

E anochi en cuestion, algo despues di 7:00 pm, dos agente di Cuerpo Policial di Aruba a reacciona riba un melding.

Ora nan a yega na e cas na Boegoeroei, hopi cerca di e veld di SC United (ex-Jong Aruba Lifida), un persona a ataca un di e agentenan policial, y el a fayece. Su colega a haye obliga pa tira cu su arma di servicio riba e persona, kende tambe a fayece.

Fiscal di husticia a yega na conclusion cu e polis L. Laclé a haci uso legitimo di su arma di servicio. El a actua den defensa propio. E agente policial Lacle lo no worde persigui y Ministerio Publico lo suspende e caso contra dje.

Normalmente e persona cu a ataca y a tuma bida di e agente policial, a worde persigui pa husticia. Sinembargo, como cu e tambe a fayece, esey no ta posible.

Alto comisario di Polis a worde poni na haltura di e decision tuma pa Fiscal di Husticia.

- Advertisement -

DUNA COMENTARIO

Please enter your comment!
Please enter your name here