Home General Cede Aruba cla pa honra boluntarionan

Cede Aruba cla pa honra boluntarionan

38
0
SHARE
- Advertisement -

Inscribi bo boluntario via ORG.AW

ORANJESTAD  (AAN): Diaranzon 5 di December, Dia Internacional di Boluntario a wordo celebra mundialmente.

Relaciona cu esaki y nan celebracion annual di boluntario, CEDE Aruba a tene un conferencia di prensa Diaranzon mainta.

Durante di e conferencia di prensa, Elsa Krosendijk a splica cu dia 5 di December ta un dia cu ta pone atencion riba e trabao boluntario cu for di 1986 a ser proclama pa Nacionnan Uni,  pa conmemora e fecha aki.

Un dia importante unda CEDE Aruba ta escoge pa anuncia nan celebracion anual di boluntario, cu ta e segundo celebracion di  “Volunteer of the Year awards”

(VOTY).  Sra Krosendijk como coordinador di evento a splica di e importancia di e trabao di boluntario. “Na Aruba tin hopi instancia cu ta draai danki na trabou di boluntarionan cu ta dedica nan tempo sin exigi nada a cambio. Nan ta esnan cu ta facilita e trabao di un organizacion.”  Unda cu falta di personal of professional aki ta unda e tarea di e boluntario yudanza ta bira importante.

Director di Cede Aruba sr Daniel Tecklenborg a splica mas con CEDE Aruba ta duna su sosten na tur organizacionnan cu ta pidi yudanza na CEDE. Un dia di boluntarismo ta pa reconoce y gradici boluntarionan pero tambe ta desea pa nos ricibi mas boluntario pa yuda organizacionnan cu mester di e yudanza aki.

Na inicio di 2018 a celebra e prome reconocimento unda mas 70 boluntario escohi den 2017 a ricibi nan award.

Diabierna 18 di Januari 2019 ta bira e fecha official unda cu e segundo actividad importante aki lo tuma lugar den New China Club.

Cu e celebracion aki Cede Aruba lo gradici tur boluntario cu a destaca pa nan organisacion durante 2018. Boluntarionan cu ta duna nan tempo valioso sin pidi ningun recompensa lo wordo honra y lo ricibi un Award traha for di materialnan recylca.

Sra Yolanda Smit – Richardson cu ta encabeza e Proyecto a splica con henter e Sistema ta hinca den otro y kico por haci pa asina bo nombra bo boluntario. Sra Smit –Richardson: “Tur non profit organizacion na Aruba cu ta traha cu boluntario, ta wordo pidi pa nombra un boluntario cu a traha den nan organisacion y cu a haci un impacto grandi riba e organisacion durante  aña 2018.

E instancia, organisacion of fundacion cu kier nombra nan boluntario mester yena un formulario unda lo por contesta preguntanan, p.e.: e motibo pakico e organisacion kier nombra e boluntario aki.

E link pa e formulario ta riba e website di Community Guide www.org.aw. Click e boton Submit your Volunteer y yena e formulario. Por hasi esaki via computer of smartphone, unda por type “org.aw” den un browser.”

Tur organizacion cu no a registra nan mes riba Guia Comunitario ORG.aw ainda, por registra mesora: escohe e link “register organization” y yena bo informacion. Asina e comunidad di Aruba por haya bo informacion mas facil y completo.

E siman promer cu e actividad CEDE Aruba lo organiza algun training pa duna bek na nos organizacionnan. Tur NGO ta bon bini pa asisti na un training di volunteer Management, grant application writing of Governance. Ultimo dia pa inscribi bo Boluntario ta 18 di December 2018.

 

 

 

- Advertisement -

DUNA COMENTARIO

Please enter your comment!
Please enter your name here