Home Social Christmas Fair 2018 ta dia 8 di December

Christmas Fair 2018 ta dia 8 di December

43
0
SHARE
- Advertisement -

ORANJESTAD (AAN): – Hunto cu diferente instancia, Aruba Events Foundation e organisadornan di Aruba Art Fair ta organisa diasabra dia 8 di December, un dia pa famia, un dia pa nos muchanan.

E dia aki Aruba en general lo presencia e manera diferente di decora San Nicolas y hasi di esaki un REAL CHRISTMAS VILLAGE. Hunto cu DOW cu semper ta hasi di su parti pa decora e cayanan di San Nicolas a dicidi di complementa e trabao inmenso aki y hasi e promenade un atraccion unico, un sinergia di luznan y Arte.

Imaginabo ta cana bao di un espectaculo, streanan di 4meter pa 4 meter confeciona dor di e artista Arubiano Richard Wout.

Matanan lo wordo aregla diferente y semper poniendo e enfasis riba e murayanan cu dia tras dia ta hasi San Nicolas e lugar mas bishita pa nos turistanan.

E Christmas Fair lo inciia pa 6 or di atardi y lo tin un elenco basta bon hinca den otro dor di nos unico y special coordinadora sra. Alice van Romondt.: 

PROGRAMA

Tur presente lo por disfruta di un show espectacular di e hoben cantante ganador di diferente festival Kitai de Jong,  y tambe di Ivy-Ann Bryson cu canticanan di Pasco sigui pa Coro Rejoice.

Kozlov Dance Theater lo interpreta baile di e famoso Xmas music The Nutcrackers Suite. Tambe e conocido Gregory Goedgedrag cu su banda y coro lo deleita cu Christmas Carols and Gospels Thaissa Aleyne y su grupo lo presenta un sketch, baile y canto tur den e ambiente di Pasco y dianan di Fiesta.

Despues di nan gran exito den Cas di Cultura, Club di Movimiento lo duna un presentacion cu bailarinanan di diferente edad  Mientras cu e Clausura lo ta un sorpresa sin igual. 

NATURE AND FACES

Durante Christmas Fair 2018, lo tin un exposicion di Nature and Faces. Mas di 70 potret a ser manda cu ta refleha e caranan mas bunita y unico di nos Arubianonan y tambe su naturalesa pa asina competi pa e 5 mihornan den ambos categoria. Esunnan cu bishita e feria lo tin e oportunidad pa vota pa e ganadornan. Esunnan cu resulta ganadornan lo tin nan obranan den exposicion na Colombia, Miami y Hulanda. 

HASI UN MUCHA FELIS

Tambe e organisacion lo sigui cu su Proyecto “Hasi un Mucha Feliz” na unda mas di 100 mucha menos privilegia lo haya nan Christmas Dinner y nan Christmas Presents y mucho mas.Un decoracion sin igual specialmente pa trese e ambiente pa e muchanan aki cu den nan mayoria ta traha den Aruba art Fair ya pa tres aña consecutivo, a sa di destaca den deporte durante aña y ta hasi nos sumamente orguyoso di nan logronan.

Lo tin oportunidad unico pa saca potretnan den famia, sea den areglonan unico cu lo tin presente of hunto cu Santa Claus y tambe den e obranan di arte y murayanan.

Abo como famia por ser conoci cu San Nicolas, e areanan di Museo, pero tambe e area di Cultura y Arte den e ambiente mas dushi di henter anja den e Christmas Fair 2018.

E Feria di Pasco ta conta cu participacion di homemade ponchi crema, ham horna, ayaca, keshi yena, cigar traha na Aruba, biñanan di Aruba, diferente artesano y mucho mas. Cayanan lo ta yen di ambiente, musica y pasabocanan special.

Bo no por perde e oportunidad aki pa pasa un anochi yena di musica, baile, canto y presencia e adornonan precioso cu e organisacion ta trese pa San Nicolas.

Entrada ta completamente gratis!

E anochi di splendor ta cuminsa 6.30 y lo dura te 11 or. E conocido Leonardo Philips ta e MC pa diasabra anochi y John Freddy Montoya lo ta stage director.

- Advertisement -

DUNA COMENTARIO

Please enter your comment!
Please enter your name here