Home Policial Clapchi fuerte a rementa den man di criatura di apenas 4 aña

Clapchi fuerte a rementa den man di criatura di apenas 4 aña

2140
0
SHARE
— Potret di Archivo di Pagara na Aruba.
- Advertisement -

ORANJESTAD (AAN): Apenas e di dos dia cu a cuminza bende clapchi, y acaba un accident basta serio a keda registra Diabierna merdia na un cas den area di Oranjestad.  Kico exactamente el a socede, y kende tabata vigilando e acto aki, ainda no ta conoci.  Hecho ta cu un criatura di apenas 4 aña di edad a sufri di dolor inmenso, ora cu un clapchi potente a rementa den su man, y posiblemente a bula cuatro dede di su man chikito.

E caso di horor aki a pone e mayornan actua rapido, y no a ni warda pa yama Ambulans.  Nan a core lora paña rond di e mucha su man pa purba na stop e sangramento, y cu urgencia a sali pa Servicio di Emergencia di Dr. Horacio Oduber Hospital pa check kico ta pasando.

Personal di Hospital mesora a drenta den accion, pa asina core bay limpia e heridanan na cantidad na e man delicado y chikito aki, y cuminza yama Specialistanan pa acudi na Hospital.  Aki a check cu Pediatra, Ciruhano, y tambe a yama un conocido Ciruhano Plastico pa check e seriedad y kico por haci cune.

A opta pa mesora drenta den Sala di Operacion cu e mucha aki, pa asina purba mira kico por salba ainda, check con extenso e daño na e musculo y nervionan di e dede ta, y purba scapa of pone dede bek.  Aunke un observador a indica cu esey posiblemente lo ta hopi dificil.

Kico a conduci cu e clapchi cu mecha cendi a resulta den man di e mucha aki, ainda no ta conoci.  Pero en general no ta recomenda ningun hende pa laga muchanan bao di 6 aña hunga cu clapchi.  Nan por si, pero cu ‘clapchi pa mucha’.  No algo potente asina.

Ta keda na autoridad, specificamente Ministerio Publico tambe pa investiga e asunto aki, y dicidi si acaso e mayor(nan) of esun cu ta vigila e mucha aki por ta culpable di trece bida di mucha na peligro.  Otro paisnan hasta sa pone mayornan den prison, debi cu ta laga mucha hunga cu fireworks y sufri herida.

- Advertisement -

DUNA COMENTARIO

Please enter your comment!
Please enter your name here