Home Social Concierto di Pasco “Nochi di Splendor” a inicia e temporada di Advent

Concierto di Pasco “Nochi di Splendor” a inicia e temporada di Advent

68
0
SHARE
- Advertisement -

ORANJESTAD (AAN):  Diabierna 30 di november a tuma luga un bunita concierto di Pasco “Nochi di Splendor” na Misa Birgen di Fatima na Dakota cu Melange, Corro Tutti Frutti (bow direccion di Sra. Maybelline Arends-Croes) y nan amigonan musico; Johnny Scharbaay, Reno Steba, Felix “Chucho” Hoek, Lidrick Solognier, Hesther Mathijsse y Humphrey Solognier.

Un bunita concierto cu a inicia e temporada di Advent. Prome cu e concierto Sr. Edgar Kelkboom riba Harpa y Sr. Edwin Kock riba guitara a entretene esnan yegando. E concierto a inicia cu tres angelito, treciendo tres bela dilanti, representando e splendor, sigui pa dos ‘drummer boys’  tocando riba nan drum y  Sr. Richard Dabian cantando e cantica “Peace on earth” cu e contra-melodia di “The little drummer boy” interpreta pa Melange.

E concierto a continua cu diferente bunita cantica di Pasco na diferente idioma, estilo y genero, y interpreta den un forma y estilo hopi varia. E areglonan musical tawata den man di Johnny Scharbaay, Ivan Quandus y Reno Steba. Melange y e musiconan a dedica como sorpresa un cancion specialmente na pastoor Daniel Szpila.

Un cancion popular di Pasco di su pais natal Polonia. E cancion ta titula: “W’ Zlobie Lezy”, cu ta nifica “Drumi den pesebre”. Charles Croes di Melange a interpreta e prome couplet na Polaco, sigui pa pa Melange cu dos couplet na Papiamento. E comision organisador tambe tabata tin un sorpesa pa Pastoor Daniel y esaki nan a entrega net despues di e cancion Polaco.

E concierto aki tabata uno special ya cu tabata e prome concierto di Pasco presenta pa Melange den nan 24 aña di existencia. Tambe a recorda e 50 aña di Sra. Maybeline Arends-Croes den musica cu un ‘standing ovation’. E concierto a finalisa cu e ñapa “Bendiciona”, un composicion di Hildward Croes (d.f.m).

Tur presente a disfruta di un tremendo concierto cu cantantenan y musiconan local, di taya

internacional. Un presentacion profesional di parti di tur e cantante, musico, sin laga

afo e areglistanan y e ingeniero musical Sr. Ivan Quandus.

Pastoor Daniel y e comision organisador kier a gradici Sra. Maybeline Arends-Croes, Melange, Coro hubenil Tutti Frutti, tur e musico, areglistanan y tambe e ingeniero musical pa nan contribucion y presentacion gratuito haci cu hopi amor pa e concierto aki.

Gratitud ta bay tambe pa e sponsornan y tambe na tur esnan cu tabata presente. Un Feliz Pasco yena di bendicion y cu e Splendor di e Niño Hesus por ilumina y briya den boso curason.

 

- Advertisement -

DUNA COMENTARIO

Please enter your comment!
Please enter your name here