Home Social Conocido Alfredo Capelo a bira un di e “Boluntarionan di Aña” di...

Conocido Alfredo Capelo a bira un di e “Boluntarionan di Aña” di OPPA

302
0
SHARE
- Advertisement -

ORANJESTAD (AAN): Recientemente Organizacion di Pensionado Publico Arubano (OPPA) a tene su Cena di Pasco na Renaissance Convention Center.

Manera semper e miembronan presente a gosa bailando bou di e ritmo di e Banda BADU. Nan por a scoge nan cena for di un buffet exkisito y bon surti cu diferente cuminda cu e toke tradicional di Pasco.

E anochi aki Directiva y Comision di Actividad di OPPA a nombra 4 Boluntario di Aña. Boluntario cu semper ta yuda sin ningun interes, dedicando nan tempo liber na e Organizacion. E personanan aki ta: Señora Silvia Wout, Señora Luci Rubiano, Sr. Ruben Giel y e conocido ex-docente di Colegio Arubano, esta Sr. Alfredo Capelo.

Cada un di nan a haya un bunita plakkaat, obsekio di OPPA, pa demostra e gratitud na e miembronan aki. Durante e anochi aki OPPA a rifa varios premio bunita, bou di e miembronan presente. Pabien na e ganadonan.

E miembronan di Directiva y Comision di Actividad ta sinti nan mes orguyoso di por a yena un sala completo cu 500 miembro y introducido. Cu un cara alegre, e miembronan y e introducidonan a balia henter anochi. Directiva y Comision di Actividad por cataloga e anochi aki como uno exitoso. Tur miembro presente a gosa di un dushi cena y di un ambiente ameno y bon  anima.

- Advertisement -

DUNA COMENTARIO

Please enter your comment!
Please enter your name here