Home General DOW ta pinta zebrapad cu e verf di calidad mas malo cu...

DOW ta pinta zebrapad cu e verf di calidad mas malo cu tin

62
0
SHARE
- Advertisement -

ORANJESTAD (AAN) – Apenas un tres luna pasa, por a mira trahadornan di DOW ta pinta algun di e lineanan di zebrapad den Oranjestad, y un di nan ta esnan dilanti edificio di ex-DOW y e otro riba L.G Smith Boulevard tambe den e area di e mesun edificio.

Ya caba e lineanan a kita. Den oranan di anochi, e chofernan ta haci manera no tin e señal di trafico aki.  Automobilistanan no ta respeta e zebrapadnan aki vooral e parti dilanti ex-DOW, siendo cu hopi hende ta cruza entre e plaza y DOW, y tanto local como turistanan cu gusta cana eybanda.

Tur dia tin peaton cu ta pasa den susto ora nan haci intento di cruza caya riba zebrapad eynan.

Con por ta cu como tres luna pasa nan a verf y ya caba e verf a kita? Obvio cu DOW ta uza e sorto di verf di calidad mas malo cu tin. Placa tira afo, tanto pa paga e plug cu ta haci e trabao y cu no por yuda, pasobra nan tin cu uza e material cu nan ta haya for di Obranan Publico, y como e material riba su mes cu gratis e no ta.

Pa mas barata cu e por ta mes, ta placa di impuesto di pueblo ta bay cada bez cu ta verf e zebrapadnan. No ta mihor pa haci uso di otro material cu tin, un tiki mas caro pero duradero? DOS no ta spaar mas placa si ta uza un producto di calidad cu no ta kita den un habri y cera di wowo? Pa colmo no tin ni un luz pa orienta e chofernan cu ta haci manera nan no sa cu tin zebrapad cu nan tin cu respeta!

- Advertisement -

DUNA COMENTARIO

Please enter your comment!
Please enter your name here