Home Economia E meta ta pa na januari tin un concepto di e plan...

E meta ta pa na januari tin un concepto di e plan strategico nacional pa presenta na gobierno

42
0
SHARE
- Advertisement -

Maria Pita di Departamento di Asuntonan Economico:

ORANJESTAD (AAN): Departamento di Asuntonan Economico tabata tin un evento exitoso relaciona cu e Plan Strategico Nacional 2019-2022 cu participacion di mas of menos 100 stakeholders di sector priva, sector publico y NGO’S di Aruba.

Maria Pita di Departamento di Asuntonan Economico ta amplia y a bisa cu e plan aki ta basa ariba e programa di gobernacion, pero principalmente ariba e STG’s, e UN agenda 2030. Esaki tabata e base pa e National Strategic Plan. A haci diferente voorwerk, cu diferente gruponan cu ta e expert working groups cu ta representantenan di diferente departamento di gobierno.

E biaha aki a invita un grupo mas amplio, pa discuti cu nan, pa nan input, kisas si nan tin algo cu e SVG nan a trece cu nan not a completamente di acuerdo. Dus, ta pa tin un miho sinergia entre e diferente manehonan.

Tin diferente representante di diferente ministerio presente. Y e meta ta pa fin di januari por tin un concepto di e plan strategico nacional pa presenta na gobierno, como un documento cu a wordo traha dor di un grupo amplio di comunidad.

Den pasado a trece diferente plan dilanti, y Pita a splica cu antes tabata traha hopi plan cera den e Departamento di Asuntonan Economico. Ta consulta cu e diferente instancianan, pero ta trah’e ariba nan mes.

Durante e Aruba 2025 ya caba a cambia e sistema, door di laga otro hende traha e plan, pero Departamento di Asuntonan Economico ta coordina so. E biaha aki ta mesun cos. Ta expertonan mes ta bay traha ariba e plan. E parti mas principal ta cu ta haci’e a base di e STG’s, e meta di desaroyo sostenibel crea door di Nacionnan Uni.

Esaki ta bay haci e gran diferencia di e plan. E no ta algo solamente di Aruba, ta wak den cuadro di e 17 metanan sostenibel, cual por wordo aplica na Aruba y di ki manera, pa ta metanan cu Aruba realmente por traha ariba dje, segun Maria Pita.

- Advertisement -

DUNA COMENTARIO

Please enter your comment!
Please enter your name here