Home General Esnan cu a caba di haya carta di pre reservacion pa un...

Esnan cu a caba di haya carta di pre reservacion pa un tereno ta haya dos luna pa yega na acuerdo cu banco

146
0
SHARE
- Advertisement -

Errol Sjak-Shie di DIP:

ORANJESTAD  (AAN):  Errol Sjak-Shie ta splica kico ta bay pasa despues di e 30 dianan cu’n persona cu haya su carta di pre reservacion pa un tereno.

El a cuminsa na splica cu diamars 4 di december tabata tin e di 3 evento, caminda cu un grupo grandi a yega na remarca pa cuminsa un proceso pa haya nan tereno, pa nan construi nan cas.

E anochi aki tabata un grupo di 250 hende cu a wordo invita. Un grupo grandi a bini, aunke no ta tur. Un di e puntonan den e proceso pa haya un tereno y construi bo cas, en berdad ta e parti financiero. E ta un punto hopi importante y un di e puntonan di mas complica.

Pa haci posibel pa un hende bin na remarca pa tereno pa regla e parti financiero, e ta haya 30 dia despues di e fecha di pre reservacion, pa sinta cu banco, fondo di pension of FCCA, unda cu e por yega na un areglo pa un financiamento.

Si mester bisa cu di experiencia, ya cu esaki a yega 800 y pico tereno, cu a bay via e pre reservacion. E experiencia ta cu e periodo di 30 dia ta alcansabel.

Ta asina cu aworaki, cu den e periodo aki, ta den un situacion, unda cu ta den luna di fiesta, y tambe cortico. Y pa e motibo aki, a haci cu e grupo di aworaki, ta haya dos luna. No ta dia 4 di januari, pero 4 di februari ta e fecha limite cu nan a haya pa yega na un areglo of institucion financiero pa nan regla.

Sjak Sie, el a bisa cu den e contact cu banco, DIP tin entendi cu den un periodo di siete dia ta tuma mas o menos pa nan haci e evaluacion y tuma un decision pa cu e peticion. E ta tuma un tiki mas, pero den todo caso, pero den e periodo di siete dia ta alcansabel, sino pa mas tarda, e ta bira un siman mas, esta 14 dia.

Si DIP ta haci apelacion na e hendenan pa no tarda, pa no warda te ultimo siman pa bay banco, ya cu esaki no ta alcansabel. Pero den un periodo di 30 dia, e palabracion cu e banconan ta suficiente si ta bay na tempo.

ALTERNATIVA SI NO KEDA CLA DEN 30 DIA

E prome alternativa ta cu e persona tin cu yega na areglo cu su banco. Ta asina cu e carta di financiamento aworaki, ta encera cuanto potencialmente e banco por duna na financiamento.

Pero si e persona tin un debe di auto, etc, ainda despues di carta di banco, tin periodo di reservacion, unda cu tin cu traha e mapa y despues ta haya e periodo di oferta di erfpacht, e acuerdo di erfpacht, cu e cliente ta haya 6 luna pa haci e traspaso via notario.

Y hunto cu e hypotheek. Si tin posibilidad cu den e periodo ey, cu e banco ta bisa cu ariba papel e ta duna tanto, pero esey ta cu e cliente mester bay regla prome cu e hypotheek pasa.

CUBRI 30% DI TERENO

No ta intencion cu ta haya un tereno grandi y ta traha un cas chikito ariba dje. E tereno mester wordo uza eficientemente, unda e cas mester cubri 30 % di e tereno. E por ta apartamento, pero e no por ta un apartamento chikito, e mester cubri 30% di e tereno.

Ta calcula 1600 florin p/m² na gastonan di construccion. E ora ta bay ta un financiamento di 140 mil florin. Esey mester logra cu e banco. Si e persona no logra e cliente ta perde su tereno y den futuro e por bolbe haci peticion.

- Advertisement -

DUNA COMENTARIO

Please enter your comment!
Please enter your name here