Evelyn Wever-Croes: DIARIO Woman of the Year 2018

    652
    0
    SHARE
    - Advertisement -

    E ta e dama cu a marca historia politico, ora cu na fin di 2017 el a wordo escogi pa bira e Prome Ser Femenino cu a bira Prome Ministro di Aruba.  Anto awor durante 2018, e ta haciendo e trabao aki, logrando exito tras di otro.

    E ta un persona cu a demostra cu e ta experto den mundo di maneho, tumamento di decision, y principalmente crea confianza bek den un pueblo destroza pa gobernacion slons di ultimo añanan, pa asina cambia e direccion di e isla aki, aunke tin di haci sacrificio.

    Pa esey, y varios motibo mas, DIARIO a eligi EVELYN WEVER-CROES como WOMAN OF THE YEAR 2018.

    DIARIO a dicidi di scoge Evelyn Wever-Croes, mirando con den su prome salida como Prome Ministro, a sa di haya admiracion pa e forma suave cu e ta expresa su mes na pueblo, su forma detayista pa splica tur loke ta pasando, como un muher bon para den su zapatonan.  Pesey mes como ser femenino, el a enfatiza pa su Gobierno haci algo pa yuda soluciona e crisis social cu nan a topa cune.   Es mas, el a caba di confirma cu Gobierno aki kier caba cu abuso y violencia domestico, y pa stop tur maltrato di mucha.

    Su experticio como un muher forma den asuntonan fiscal, a pone pone prioridad pa e isla aki introduci reformanan fiscal pa asina reduci e peso riba lomba di ciudadanonan.

    E ta un señora cu a logra hopi punto bon te cu awor den su carera nobo.  Su interes semper riba e bida social di ciudadanonan, como tambe sosten pa proyectonan den comunidad, tey graba constante den memoria di hopi lider local di organizacion.  Su carisma, su habilidad di scucha tur hende, y su vision pa un isla nobo y progresivo den añanan venidero, ta pone sali como vencedor den wowo di hopi hende.

    Evelyn a haye confronta cu hopi reto.  Retonan social, economico y retonan financiero grandi. Sinembargo no a laga esakinan stroba gobernacion pero cu union y determinacion a traha pa yega na solucionnan pa cada reto.  Mirando su capacidad cu e tin DIARIO ta kere cu e ta haciendo y lo sigui haci un bon trabao como politico pa asina trece e cambionan necesario pa Aruba.

    - Advertisement -

    DUNA COMENTARIO

    Please enter your comment!
    Please enter your name here