Home Social FAVI sumamente contento y gradici cu anochi di “Dinner in the Dark”

FAVI sumamente contento y gradici cu anochi di “Dinner in the Dark”

74
0
SHARE
- Advertisement -

ORANJESTAD (AAN)—Fundacion pa personanan cu problema di bista (FAVI) a tene su actividad “Dinner in the Dark”, den su di tres edicion.

Sra. Setty Baar, director di FAVI, a menciona den entrevista cu nos redaccion cu “Dinner in the Dark” ta un concepto hopi conoci den mundo, y pa di tres aña sigui FAVI ta organizando esaki cu Gianni’s Group.

Esaki ta un evento super exitoso y e guestnan ta drenta den Asia Restaurant, y pa dos ora nan ta come den total scuridad, cu bril preto bisti y riba dje un lenso pa tapa wowo.

Nan no ta wordo bisa tampoco kico e menu ta. El a menciona cu e cuminda di Asia ta uno suculento, pero cu diferente textura, y esey ta haci e experiencia mas dushi ainda.

Sra. Baar a indica cu esaki ta un “five course dinner” y esey ta encera cu cada cuminda, un biña special. FAVI ta hopi contento cu e resultado di e evento aki, y bunita di esaki aki ta cu Gianni’s Group ta otorga e fondonan recauda completo na FAVI.

E trahadornan di e grupo tambe ta haci esaki como un gesto, un donacion, y e directora a subraya cu nan ta sumamente gradici cu nan y no por keda sin menciona esaki.

Un anochi sumamente ameno y agradable, unda e guestnan a pasa hopi dushi y pret den un ambiente formidable!

- Advertisement -

DUNA COMENTARIO

Please enter your comment!
Please enter your name here