Home Hudicial Fiscal a dicidi na libera e muher Hulandes cu a raporta bom...

Fiscal a dicidi na libera e muher Hulandes cu a raporta bom falso riba vuelo di TUI

1811
0
SHARE
— Hopi observador a keda sorprendi cu el a keda libera.
- Advertisement -

ORANJESTAD (AAN): Fiscal di husticia a dicidi awe pa suspende detencion di e muher Hulandes, cu ta worde sospecha di menaza y di a haci un melding di bom falso riba Diadomingo 16 di December ultimo na aeropuerto Reina Beatrix.  Esaki a pone cu e avion di TUI a sali te den madruga for di Aruba, causando retrazo inmenso.

E investigacion lo sigui y e muher lo mester presenta dilanti Corte na un otro fecha.

E muher di inicial W.H., ta naci na Hulanda na 1977.

Su liberacion a laga algun hende keda sorprendi.  Con bin cu Aruba ta libera e muher aki, siendo cu el a causa un gasto enorme pa e compania y pa Aruba?

Na Inglatera algo similar a pasa na Augustus 2018, ora un pasahero a haci un bom melding, cu e speranza cu asina e por yega tog na tempo pa su vuelo cu ta sali di Gatwick.

Resultado di esaki ta cu el a wordo aresta.  Y Corte na Inglatera a lage encarcela, y el a haya 10 luna di prison di castigo.

Na Aruba?  E muher Hulandes ya ta den libertad.

- Advertisement -

DUNA COMENTARIO

Please enter your comment!
Please enter your name here