Home General Gobierno a institui moratorio riba hotel y condominio nobo

Gobierno a institui moratorio riba hotel y condominio nobo

141
0
SHARE
- Advertisement -

ORANJESTAD  (AAN):  Dia 17 di December durante un conferencia di prensa Minister di Desaroyo Teritorial, Infrastructura y Medio Ambiente Otmar Oduber, a anuncia e institucion di moratorio riba hotel y condominio  nobo. Esaki conforme e vision ehecuta pa Gobierno pa locual ta desaroyo teritorial y e aspecto di mihor calidad di bida y tambe e aspecto di salvaguardia Pais Aruba como un producto turistico.

A anuncia e moratorio conforme e ley yama: Landsverordening Ruimtelijke Ontwikkeling (LRO), na unda cu prome cu institui un Ruimtelijke Ontwikkelingsplan Met Voorschriften (ROPV) pa maneha mihor desaroyo teritorial,  por implementa un asina yama “voorbereidingsbesluit”.

Esaki ta un tipo di ley/ decreto nacional unda cu ta tuma decision prome cu institui un ROPV unda cu ta informa comunidad tocante locual ta bay ta aspectonan importante cu lo bin na vigor durante e fase di ROPV. Pa preveni cu desaroyonan lo tuma luga den forma descabeya, perhudicando e espacio teritorial y desaroyo di nos Pais.

E voorbereidingsbesluit tambe ta duna informacion tocante maneho specifico pa areanan specifico unda cu kier stimula diferente desaroyo, treciendo balansa y enfocando riba calidad. Ta papia di por ehempel un waf, e nucleo di Oranjestad y San Nicolas cu lo haya un enfoke pa stimula desaroyo basa riba calidad y bon planificacion.

Esaki ta conforme e vision di Pais Aruba unda cu desaroyo economico ta forma un pilar cardinal. Ta papia di un desaroyo economico berdadero, enfocando riba calidad halto di bida y bienestar pa tur.

- Advertisement -

DUNA COMENTARIO

Please enter your comment!
Please enter your name here