Home General Grupo grandi di trahador cu permiso pa traha no tabata inscribi na...

Grupo grandi di trahador cu permiso pa traha no tabata inscribi na SVb

74
0
SHARE
- Advertisement -

Durante proceso saneamento di e fondo di seguro di malesa y accidente a constata

ORANJESTAD (AAN):  Ora cu ta papia di boet administrativo pa trahado den servicio cu no ta sigura, lo mester bay bek na 2016. Riba e tema aki Edwin Jacobs, director di SVb ta amplia.

Na 2015 a cuminsa un trayecto di saneamento di e fondo di seguro di malesa y accidente. Den e proceso den caminda, ora cu SVB a cuminsa cu un intercambio di informacion di DIMAS, aki a constata un grupo grandi cu tin permiso pa traha na Aruba, cu no ta inscribi na e banco di seguro social como asegurado di seguro di malesa y accidente mientras cu ley ta exigi esey.

Ley di seguro di malesa y accidente, ta exigi cu e trahado mester ta inscribi desde e prome dia. Ora a constata esaki, a sali den publicidad cun’e, bisando cu e grupo ta grandi ya cu riba mil no tabata sigura. Den e proceso di saneamento, parlamento a dicidi di bin cu’n amienda ariba e ley di saneamento, y a otorga SVb e autoridad pa impone multa, ora cu constata cu tin trahado cu ta trahando, y nan no ta inscribi na SVb.

E ley aki a pasa na 26 di april 2016. Desde e momento ey a cuminsa informa comunidad cu parlamento a otorga SVb e autoridad aki. Door cu e ta un autoridad otorga di un dia pa otro, no tabata prepara pa ehecut’e di biaha. E ley a drenta na vigor dia 1 di juli 2016. For di e momento ey, SVb mester a bay desaroya full un maneho di boet, di diferente categoria y boet.

En principio Ley ta bisa cu prome cu boet hende e persona mester tin conocemento di e structura di boet. A tuma SVb un aña pa a studia hurisprudencia den Reino, den Union Europeo, ya cu e leynan ta mara na leynan di Derechonan Humano di Europa, A tuma pa un aña prepara e maneho aki. Y asina a cuminsa publica e maneho dia 1 di juli 2017. A cuminsa busca manera di facilita e inscripcion pa e doño di trabao.

Hopi biaha ta haya e keho di e dunado di trabao, cu ta bisa cu “mi ta duna e trahado e papel pa e bay inscribi”, pero e no ta bay. Y e ora ey entrante 1 di juli 2017, a duna e oportunidad pa cuminsa inscribi digital. Prome cu esey, e trahado mester a presenta na SVb na Eagle of San Nicolas.

Mirando cu a drenta e era moderno, a digitalisa esaki. A saca e responsabilidad di inscripcion for di e trahado y trece bek na e dunado di trabao. Paso esaki ta esun cu 24 ora pa dia ta yena e informacion di e trahado y ta sigura e trahado. Esaki ta pa kita e argumento di cu “mi a duna e trahado pero e trahado no a haci’e”.

Asina a cuminsa entrante 1 di juli 2017, cu e maneho di boet, a informa e comunidad di e structura di e boet cu tin. Tin 3 motibo pa cual por ricibi e multa. E prome ta cu e formulario no ta bon yena, no a inscribi e trahado na tempo y nunca a inscribi e trahado. Esey ta e 3 infraccion cu por tin ariba e ley di SVb.

Na e momento ey, SVb no tabata full den condicion organisatorio pa ehecuta e ley. Coleganan di SVb na e momento ey tabata den opleiding di Bijzonder Opsporingsambtenaar.

Despues di 1 aña a cuminsa bay bek den e situacion di e caso, unda e ley a wordo viola. A cuminsa manda 24 compania notificacion di e intencion di e boet administrativo pa violacion di inscripcion. E companianan aki tin 3 siman pa entrega obheccion contra decision di SVB, Ora cu e termino termino, SVb lo evalua e obheccionnan entrega y dicidi den ki categoria e boet e violacion di ley di malesa y accidente ta cay.

Di tur banda a purba tur manera pa no mester yega pa impone multa. E meta no ta pa impone multa, pero lastima ta asina. Hopi biaha ta yega na conocemento di SVb, caso di trahadonan cu no ta sigura, cu ta bira malo y no ta ricibi pago, mientras cu si nan tabata cera nan tabata tin un caminda pa cay bek ariba dje.

Den caso cu e dunado di trabao no sigura e trahadonan, e tin e sancion di e boet administrativo,

 

- Advertisement -

DUNA COMENTARIO

Please enter your comment!
Please enter your name here