Home Salud Hunta di Supervision di HOH tin falta di respet pa statuto y...

Hunta di Supervision di HOH tin falta di respet pa statuto y falta di principio

425
0
SHARE
- Advertisement -

Lider di sindicato AVB:

ORANJESTAD (AAN) – Na Hospital dr. Horacio Oduber tin un situacion nada agradable, cu a surgi na momento cu e miembronan di Sindicato AVB cu ta representa e trahadornan di Hospital, a tene un accion.

Nan ta demostra nan disgusto riba e maneho door di sr. Ezzard Cilie y sr. Gino Goeloe kendenan ta integra e Hunta di Supervision.

Den un entrevista cu Matutino DIARIO, señora Gina Maduro, presidente di sindicato AVB a duna di conoce cu for di siman pasa Diabierna mainta e sindicato a wordo notifica, door di e presidente di e hunta di supervision sr. Gino Goeloe, y e director Ezzard Cilie, cu for di e mesun dia ey sr. Cilie lo ta e unico director medico cu lo dirigi HOH hunto cu sr. Goeloe.

Sra. Maduro a agrega cu e director financiero sr. Theo de Kool a wordo suspendi. E unico splicacion cu Goeloe a duna e sindicato ta cu sr. de Kool lo no bin mas Hospital, y esaki a cay manera un baño di awa frio cerca nan, pasobra nan ta na mesa durante pleno CAO y nan a keda cu nan lo bin bek otro siman.

Goeloe a bisa e sindicato cu esaki ta un areglo mutuo y cu ambos partido ta casi cla cu otro y cla pa firma pa termina nan relacion di trabao.

Sra. Gina Maduro a menciona cu e sindicato a wordo intimida pa no tene rueda di prensa y pa no informa prensa, pa no stroba e proceso.

El a agrega cu como sindicato nan djis a keda scucha pero no a guli e pildo pasobra pa nan a keda hopi straño.

E lider sindical a indica tambe cu Diamars nan a firma e protocol y Diaranzon nan a informa tur e miembronan, pasobra nan ta den pleno CAO y esaki no a termina ainda pero lo continua na Januari 2019 y e persona cu ta atende cu e CAO ta sr. de Kool y no sr. Cilie. Pesey mester a informa e miembronan di AVB.

Sra. Maduro a subraya cu tin un tension grandi na Hospital, fuera di tur e retonan cu a pasa durante e aña aki, tanto cu e situacion di Diesel como otro asuntonan. AVB a purba di haya un audiencia cu e Raad van Toezicht pero te aworaki nan no a haya esaki.

Sra. Maduro a subraya cu esaki ta un falta di respet pasobra den statuto tin dos bez pa aña cu nan por sinta cu AVB y mirando e urgencia cu tin den e organizacion aki, nan no tabata tin ni e credibilidad di sinta un biaha cu e sindicato.

Ademas e hunta di supervision aki no ta un formulacion manera mester ta, pasobra e ta falta principio y no tur e stulnan ta ocupa.

- Advertisement -

DUNA COMENTARIO

Please enter your comment!
Please enter your name here