Home Enseñanza Intercambio di hopi informacion valioso durante Siman Internacional di IPA

Intercambio di hopi informacion valioso durante Siman Internacional di IPA

51
0
SHARE
- Advertisement -

ORANJESTAD(AAN): Actualmente na tumando lugar e asina yama Siman Internacional di IPA y relaciona cu esaki DIARIO a entrevista e director di IPA Drs. Marilyn Richardson.

Segun Richardson, e siman aki tur e partners di IPA a wordo invita, pa nan por tene un asina yama ‘Academic Partner Conference’ pa dialoga hunto y conoce otro un tiki mihor.

“Asina nos por wak con nos por sigui amplia programanan cu nos por comparti cu otro”.

“Durante e siman aki nos a brinda tur nos partnernan diferente presentacion y asina nan a conoce mihor e situacion cu tin na Aruba y loke IPA tambe tin pa ofrece na nan studiantenan of na nan staff, pa asina nos por hisa e momentonan di intercambio cu nos por tin”.

Esaki segun e director, kende a indica cu a invita varios partner, di cual algun no por a bin.

Esnan cu tabata tey ta e opleiding di maestro di Costa Rica, un delegacion di Argentina, Hogeschool van Amsterdam, Hogeschool van Rotterdam, Universidad di Barcelona, Universidad di Corsow y N.Y.U Steinhardt di New York.

Diaranzon IPA y e otro institutonan a duna nan presentacionnan, pa duna un idea tambe riba kico nan ta hasi riba e tereno di internacionalizacion.

Richardson a splica cu asina a haya un bista tambe riba e posibilidadnan pa sigui colabora cu otro, por ehempel riba e area di ‘research’.

“IPA a presenta awe un ‘minor’ internacional, cu ta brinda e posibilidad pa un intercambio internacional, unda cu studiantenan di afo por bin IPA pa un periodo”.

Esaki segun e director, kende a splica cu den pasado esaki tabata posibel solamente pa studiantenan internacional cu ta papia Hulandes, pero awor studiantenan di afo por participa na ingles tambe.

 

 

- Advertisement -

DUNA COMENTARIO

Please enter your comment!
Please enter your name here